星8卦丨「反骨」畀「阿哥」洗腦自抬身價 經濟低迷冇人要兩頭唔到岸

「反骨」真係令人大跌眼鏡，之前扮可憐，令人誤會佢畀屋企人蝦，原來係一個局，佢之所以咁多小動作，原因都係聽「阿哥」唆擺。「阿哥」成日覺得自己幕前生涯差唔多，於是問老闆拎一筆錢諗住自己搞番啲事業。

相關閱讀：星8卦丨「冷臉」對外冷漠超酷 前夫男友相處融洽一家和睦手段高

「反骨」因為一次機會同「阿哥」合作，「阿哥」見佢都好唯利是圖，於是好快就用方法表現自己有幾多勢力。「反骨」畀「阿哥」洗腦，亦知佢張約年期唔長，於是聽「阿哥」啲死橋去扭計，冇嘢嘅， 大家尊重合約精神，咁就等時間還佢自由身。

相關閱讀：星8卦丨「大眼」撻著「情聖」最錯被「辣婆」夾埋阿太玩謝坐冷板

點知「阿哥」諗得太理想，老闆話呢輪生意太差，叫佢乜都唔好諗住，而家根本唔係創業時機。「反骨」以為會有更多錢落袋，點知事與願違，最近見時勢唔多妥，開始周圍去搵新老細， 不過都好獅子開大口㗎，比舊東家多幾倍價碼，今時今日邊個拎得出吖，平平地仲話有得搏。

相關閱讀：星8卦丨「細細」為家計捱苦老竇唔同情 揭發真正身世情緒崩潰

結果而家進退兩難，仲肉緊到搵返舊東家話可以減價，人哋見你有名叫咁「反骨」，梗係睬你都傻。好彩之前真係搵到啲，唔係嗰兩層樓都唔知點供落去！