美股霸权远未终结 发掘机会比估值重要｜晋佳
2024年进入年底，标普500指数累积上升26.7%，相比港人关注嘅恒指升幅17.9%为高，虽然表面睇唔似差好远，但喺美股市场捕捉大升股往往容易得多。美股投资者今年上半年靠主流股份英伟达（NVDA）、下半年靠Tesla（TSLA）都能够帮助回报倍升，可见今年买入美股仍然系港人对冲香港经济放缓嘅好方法。
美股料明年下半年才见高位
当然，小弟再睇好美股，回顾今年初时，亦只觉得美股嘅牛市里程走到第一、第二季，事实上直至今年底仍再不断创新高，趋势至少喺明年首季持续，实在俾到小弟唔少嘅惊喜。预计明年，美股高位较大机会喺下半年先出现，眼下仍有赚钱空间，甚至系赚钱最容易嘅牛三市况。
本来小弟以为，唔少香港投资者已经全力转投美股市场，早排同唔少业余散户投资者接触过，即使平日好关注、经常查询美股嘅朋友，原来佢哋仍然以港股为主、美股为辅。或许只有近几年才投身股市嘅年轻一代，会主力投资美股或者加密货币市场。
至于投资者应否港股、美股、加密货币市场分散投资？各个市场嘅研究方式同习性都唔同，就唔建议呢种为分散而分散嘅投资方式，反正美股市场深度充足，加上各种各类行业都有，集中精力同注码喺同一市场，表现往往较理想。
科技普及化造就新一批赢家
唔少投资者认为美股估值昂贵，股价上升潜力有限，情况并唔系咁样。投资机会并唔在乎市场估值高低，而系有否行业凭借科技而跑出。即使喺2022年底，美股估值都比其余市场贵，仍然有英伟达可以数倍爆升，好多凭借AI跑出嘅股份喺途中被捕捉。美国就系有不断发掘科技嘅能力，只要有新科技由开发阶段进入普及化，就会有一批新嘅股份成为赢家。当然，港股市场背靠祖国，亦可以出现类似机会，但至少他朝美股提供嘅机会绝对唔会比港股少吧。
况且，目前仍然睇唔到长远有边个市场能够取代美股，成为全球最强、大量吸收资金嘅乐园，喺呢个美国嘅对手出现之前，美股仍会系理想嘅投资地，系不争嘅事实。
相关文章：
皇马签名会争议：贵飞、吉位、混乱安排 与香港活动的警号｜梁伟聪
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
