ROVER平安夜遊走香港Busking唱足7小時 大埔旺角站人數太多被腰斬

樂隊ROVER的Kim（卓金樂）、Jason（雷濠權）、亨仔（陳鎮亨）及希晉（王希晉）昨晚平安夜舉行接力馬拉松式busking，由下午五時半唱到接近凌晨一時，遊走大埔、觀塘、旺角及中環，期間大埔站有亨仔妹妹十冰及ERROR成員Poki（吳保錡）加入，而期間大埔及旺角兩站因聚集人數太多，怕出意外被逼腰斬！

首站有亨仔妹妹十冰及Poki

ROVER今年平安夜接龍式走訪新界、九龍及香港busking，第一站 下午五時半，亨仔同妹妹十冰在大埔火車站行人隧道率先開始，一小時後Poki加入，與亨仔合唱了兩首歌，包括：《跑吧，小丑 》及陳奕迅《葡萄成熟時》，之後Poki再獨唱《祝君好》。二人的歌聲吸引fans、Poki大埔區跑友撐場外，還吸引不少途人駐足觀看，最後考慮到安全問題，Poki由三首獨唱被逼縮成一首。而首次與Poki busking的亨仔，席間公然挑機Poki跑步，說︰「師兄，幾時帶我跑步？下個禮拜跟你跑。」但當Poki表示隨時歡迎，一眾跑友及fans追問︰「係咪先？」，亨仔又即耍太極︰「再講！再講！我驚我跑唔郁。」非常搞笑。

下午五時半，亨仔同妹妹十冰在大埔火車站行人隧道率先開始。

享仔妹妹十冰歌藝不俗。

享仔是昨日busking的先頭部隊。

一小時後Poki加入，與亨仔合唱了兩首歌。

首次與Poki busking的亨仔，席間公然挑機Poki跑步，

ROVER旺角合體與Fans倒數迎聖誕

隨後晚上七時半，亨仔轉到觀塘海濱公園會合希晉，在fans的燈海下唱近一小時後，再轉場到第三站旺角，ROVER合體唱了新歌《陪我一路漫遊》及出道作《秒速8公里》，而新接力的Jason則獨唱了《Miss Call》，以及右眼剛做了小手術的Kim也獨唱了《 關於我愛你 》。最後ROVER在晚上十一時五十分趕到中環9號碼頭，與Fans倒數迎聖誕，及現場同fans拍照留念。

Jason獨唱了《Miss Call》。

右眼剛做了小手術的Kim也獨唱了《 關於我愛你 》。

ROVER在晚上十一時五十分趕到中環9號碼頭，與Fans倒數迎聖誕，及現場同fans拍照留念。

ROVER在旺角合體唱了新歌《陪我一路漫遊》及出道作《秒速8公里》。

旺角站因聚集人數太多，怕出意外被逼腰斬！

亨仔轉到觀塘海濱公園會合希晉，在fans的燈海下唱近一小時。

預備50首歌唱唔晒

馬拉松接力唱，ROVER都說是一個難忘經驗，由於是接力中間又有車程，所以都唔算太辛苦，希晉：「好多謝大家的熱情，雖然我哋準備咗50首歌唱唔晒，但約定大家下次再唱。」Jason說：「好多謝佢哋跟足四站，又準備暖包、零食俾我哋，好暖心，係我香港過最難忘的聖誕。」至於剛做完右眼小手術的Kim，說：「因為眼瘡遲遲唔好，所以早兩日搵醫生處理，醫生有話盡量避免去人多地方，但今年係ROVER第一個同fans過的聖誕，好想出席，見到大家好開心。」