美股升市兩項必要條件｜晉佳

從基本因素出發，標普500指數市盈率大概24倍，納斯達克100指數市盈率34倍，屬於歷史偏高估值水平，主要受到美國減息同時經濟增長嘅預期所支撐。的而且確，經濟增長推動企業盈利上升，而減息更令盈利升速加快，形勢很利好。

關注減息及經濟增長

不過，只要減息或者經濟增長其中一項預期破滅，美股都會大跌。反之，只要減息、經濟增長預期並存，美股依然繼續向上。

上星期美股因聯儲局放鷹而插水，大家擔心明年美國停止減息，喺市場疑惑增加之際，周五公布核心PCE數據按年上升2.8%，非常接近聯儲局目標嘅2.5%，而2.5%係聯儲局仍然放心減息嘅通脹水平，於是，市場嘅疑慮有所釋除，美股暫時回穩。

1月中前未有重大消息

1月初美國將公布就業數據，就業市場年底睇唔到有大礙，因此，美股喺1月中公布CPI數據之前，暫時未見大幅度影響美股嘅消息，或許聯儲局官員間中走出嚟講兩句，會令市場波動。總括而言，1月中之前，美股走勢尚算安全，反正上星期已經震過倉了。

資金明顯回流至AI相關晶片股，博通（AVGO）、台積電（TSM）、英偉達（NVDA）上升3至5%，仍然值得追捧，至於AI GPU供應鏈當中嘅二三線股，Vertiv（VRT），成為博追落後之選，可以留意。

晉佳

https://www.patreon.com/user?u=28525578

相關文章：

議息後美股意外大跌 暫定性短線調整毋須恐慌｜晉佳

滙控與中國關係緊密且複雜｜曾淵滄

港樓回至合理水平 負擔比率低於歷史平均 林本利：符合10個條件可考慮買樓

為何香港新一代不愛打工？ 年輕人不肯捱的經濟邏輯 李聲揚：社會已變 只能接受

一簽多行400萬旅客湧港 商場聖誕佈置卻Cut Budget？｜梁偉聰

不再買樓收租 但心思思想買車位｜曾智華