專欄 Will知足球｜愛華頓終於等到救世主？

「愛」你我管不了是禍，愛華頓近幾年都係運滯，上季因違反財政公平條例而被扣8分，今季新球場就因為打風時去水系統失靈，搞到水舞間咁，財務狀況都係危危乎。今個星期終於有救世主出現。

新班主炒人手起刀落

救世主就係嚟自羅馬嘅班主Dan Friedkin，又係一個嚟自美國嘅班主，拖肥成為第10支英超球隊由美國班主所管理。我哋可以睇下佢喺羅馬嘅作風係點樣，今季短時間就直接炒咗執教8個月嘅球會傳奇迪羅斯，而之前重返歐洲舞台嘅摩連奴，當時都係被呢位班主炒咗，更只係用咗25分鐘嘅會議，令一眾羅馬球迷都怨聲載道，同時引發到依家羅馬要搵雲尼亞里出山救火，似乎球迷同班主嘅關係就麻麻哋。

對於愛華頓依家嚟講，最重要就係踢走舊班主莫斯利，當地嘅氣氛似乎班主走人，仲興奮過有一個新班主嚟到。既然得償所願，即管睇下愛華頓嚟緊又搞唔搞得掂。Willhappy