專欄 未卜先芝｜藍月光輝不再 紅魔乘虛而入

英超第16輪，曼市打吡，曼城主場迎戰曼聯。主隊曼城近排走勢沉淪，各項賽事10戰只嘗一勝，上周末2:2賽和水晶宮，周中亦負祖雲達斯0:2，似乎仍然未走出陰霾。中場大腦奇雲迪布尼嘅復出的確能夠增加攻勢供應，但其他鋒線嘅把握力明顯不及以往銳利，加上致命傷防中洛迪卡斯簡迪缺陣，令後防漏洞盡現，右閘基爾獲加狀態亦明顯大不如前，如今藍月實力可能只得上季五成。

曼城頹勢依舊

客隊曼聯近3場英超1勝2負，0:2負於強敵阿仙奴；亦輸咗比諾定咸森林2:3，不過喺周中嘅歐霸盃，以2:1反勝捷克球隊柏辛域陀尼亞，呢個驚險嘅場面皆因門將奧拿拿「送禮」；幸好前鋒海倫及時修復失地，梅開二度為球隊反勝。今場又再係新領隊魯賓艾摩廉嘅「考牌戰」，相信作客以防守行先。佩芝