樂基兒否認肌肉男是新歡 提到「現任」甜絲絲 馮允謙出新碟落區自費掃貨

樂基兒、馮允謙、雲浩影、陳穎欣、衛詩日前出席護膚品聖誕活動。久未香港露面嘅樂基兒表示，配合愛兒假期返港度假，與家人歡度聖誕。早前有報道指樂基兒與「肌肉男」同行，指對方是她的「新歡」，她澄清：「佢係我經理人，因為太耐冇喺香港工作，大家唔記得我身邊同事啲樣。（想有另一半？）而家小朋友仲細個，同埋做嘢都好忙，焦點未到呢個階段。」 樂基兒一提到愛兒笑得甜絲絲，笑言不會阻止兒子入行：「因為佢仲細個，仲未識怕醜，但入唔入行就由佢自由發揮，我只想佢做個好人，咁就得啦。」

馮允謙偷咗阿媽嘢？

另外，馮允謙（Jay Fung）說：「舊時我會借媽咪啲護膚品嚟用，但而家佢知我去活動，反而會問我有冇贈品，不過如果冇我都會買畀佢。我剛剛出咗唱片，真係好開心！嚟活動之前我都去咗唱片舖，自己買咗幾隻，嚟到見到啲Fans已經買咗，真係多謝大家支持！」提到今年頒獎禮有機會「大滿貫」，他笑言獎項「唔好諗太多」，同時對自己作品感到滿意。而雲浩影同樣表示專注工作，無時間想戀情。

樂基兒、馮允謙、雲浩影、陳穎欣、衛詩（白衣）日前出席護膚品聖誕活動，即席獻唱。

馮允謙會與媽咪共用護膚品。

雲浩影寄情工作，有時間都諗點搵錢，拍拖不重要。

馮允謙出新專輯，恭喜恭喜，祝銷量好似你件一樣長紅。

樂基兒否認拍拖，一提到愛兒就笑得甜絲絲，笑言不會阻止兒子入行。

陳穎欣為早前約滿「試當真」的吳家忻送上祝福。

樂基兒（右）不會阻止兒子入行，是否入行會讓他決定。

雲浩影（左）早前為新歌《世界多了一個陌生人》拍MV。

雲浩影早前濕身拍《世界多了一個陌生人》MV ，與殘影演對手戲。

提到早前吳家忻（Kayan9896）離開「試當真」，陳穎欣為對方送祝福，好表示︰「每個人嘅發展，去到唔同時刻都有唔同方向，我都替佢開心，見到佢做音樂做得好好，希望佢搵到自己鍾意嘅嘢去發展。」衛詩為活動獻唱聖誕歌曲，她表示現在自組公司發展，或與家姐再合作。

相關文章︰樂基兒大show腹肌展修身成果 下月跟好友Rosemary峇里開班 兒子已開學由前夫照顧