馮允謙愛聞香水令自己放鬆 笑言未試過同細佬爭女朋友 星二代湯君耀首開金口獻唱

馮允謙（Jay Fung）及湯君耀（Chris Tong）日前出席香水品牌聖誕活動，並於現場獻唱。Jay唱了自己歌曲《報復式浪漫》和聖誕歌《All I want for Christmas is you》。他表示好開心可以參與今次的活動，本身是這品牌的粉絲，回想自己首年來香港有個聖誕回憶，就是有一位朋友送了一支香水給他。

馮允謙愛聞香水令自己放鬆

今次Jay與弟弟馮重謙（Tim）兩兄弟一齊參與活動，Jay笑言：「細佬好喜歡講嘢，我又唔鍾意講嘢，所以好夾。」談到年輕時會否爭玩具，Jay笑說：「我哋有爭嘢，但女朋友就冇爭，我哋鍾意唔同類型嘅女仔。」Jay透露，由於自己的工作繁忙，聞到自己喜歡的香水味道可以令自己放鬆，在寫歌時候可以令到自己激發靈感。Jay透露，今年聖誕節只能與女友視像見面慶祝，不過在活動中能夠唱歌給粉絲聽，也是幸福的事情。

馮允謙在現場唱出歌曲《報復式浪漫》。

馮允謙坦言愛聞香水令自己放鬆。

馮允謙指聞自己喜歡的香水，寫歌時可以激發靈感。

馮允謙派心心。

湯君耀第一次在活動上公開演唱。

湯君耀預告接下來會有驚喜。

湯君耀預告接下來會有驚喜

湯君耀（Chris）於派對上獻上第一次，首次在有觀眾的活動上公開演唱，唱出3首聖誕英文歌。他演出完後表示：「雖然有啲緊張，但係都好興奮，多謝媽咪同家姐，仲有一班好朋友嚟支持，都好感動，希望嚟緊俾大家多啲驚喜，已經籌備當中密切期待啦！」