專欄│愛華頓鬥紅軍 半場「細」可期

英超第15輪，默西塞特郡打吡，愛華頓主場面對利物浦。

主隊愛華頓近排狀態相當飄忽，先後輸過比曼聯0:4，上場就大炒過狼隊4:0，不過當中兩球都係對手擺烏龍所致。拖肥糖上季逃出扣分危機成功護級。不過今季暫列第15位，仍然要為護級奮鬥。而前鋒卡維特利雲今季入球數字唔算亮麗，所以杜韋麥尼爾暫時係隊內首席射手，但都只係貢獻3個入球，相信今場球隊會以防守行先。

利物浦尾段發力

至於榜首利物浦，周中被紐卡素逼和3:3失掉兩分，不過同第2位嘅車路士仍有7分嘅距離。今場面對同市死敵，雖然近來後防傷兵增加，不過史洛特用嘅戰術，以及隊內兵力同球員質素都較對手高。加上場場有功課交嘅沙拿在陣，相信今場即使開賽未能佔到甜頭，到最後都能夠凱旋而歸。佩芝