薛家燕難忘劉家昌請食飯 籲伍仲衡與TVB溝通解決事件：大家都係想栽培人才

薛家燕今日（6日）到電視城為《歡樂滿東華2024》彩排，家燕姐指今次除了有舞蹈外，亦會唱粵曲《禪院鐘聲》，笑言表演跳舞外又要唱《護花使者》，加上歌詞很密，所以有點緊張。

薛家燕曾在拉斯維加斯登台遇劉家昌

對於劉家昌與瓊瑤相繼離世，家燕姐指兩人也是很厲害的人，又指劉家昌作曲很勁，其作品《往事只能回味》自己也經常唱，又爆當年與《真情》的演員們一起到拉斯維加斯登台遇到劉家昌，雖然兩人不熟，但當時對方為他們食飯埋單：「佢簽嘅額好大，應該係大客，佢好Nice、好客氣。佢都好欣賞欣宜，因為阿肥（沈殿霞）同我講有次佢聽欣宜喺屋企唱歌，覺得欣宜把聲好靚，同有獨特嘅風格，同阿肥講叫栽培佢，將來會有成就，劉家昌話掂喎，所以阿肥話俾我知嗰陣我都好開心。」

薛家燕今日為《歡樂滿東華2024》彩排。

薛家燕指表演跳舞之餘，亦要唱歌。

家燕姐好興奮！

劉家昌離世，家燕姐表示對方作曲好勁！

家燕姐又指對於瓊瑤輕生，令她感到好大感觸。

家燕姐聞伍仲衡被飛出「中年3」，即說係咪太忙，唔記得通知TVB！

家燕姐屆時會表演跳舞。

家燕姐屆時仲會唱粵曲！

薛家燕表示曾在拉斯維加斯登台時遇見劉家昌。

薛家燕對於著名作者瓊瑤輕生，表示最緊要長壽得來健康開心。

瓊瑤離世感觸尤深

至於瓊瑤，家燕姐就表示沒接觸過對方，只看過她作品改編的電影，但對她離世覺得非常大感觸：「今次佢咁樣離去，我諗佢有自我解脫嘅方法，我自己年紀大都係，有時年紀大可能有好多病痛，屋企人一定會盡量幫你延續生命，但係我諗佢嘅諗法喺延續生命嘅過程係要受苦嘅時候，不如就翩然離去⋯⋯各有各人嘅諗法，最緊要長壽得嚟健康同開心。」

薛家燕：大家溝通吓啦

另外，對於有傳伍仲衡因簽了洪心怡被飛出《中年好聲音3》，家燕姐認為對方在《中》做評審很成功，但就不知道他被飛，對於今次事件，家燕姐認為大家也因為想栽培人才：「唔知係咪太忙，唔記得通知無綫，我唔清楚，但無綫同佢好熟，做咗咁多集《中年好聲音》，大家溝通吓啦，好多時評審都會話停幾個禮拜，之後再返嚟參與，我唔知呢啲嘢（被飛）係咪真，都係希望大事化小、小事化無，大家都係想栽培歌手，出發點都係好嘅。」