冼靖峰唔清楚伍仲衡被「炒魷」 稱《聲夢》比賽後冇聯絡 要跳舞Solo好大壓力

著名音樂人伍仲衡（伍sir）有傳早前因簽了《校園好聲音-唱響中國》的大學生歌唱比賽冠軍洪心怡而觸動TVB神經，令他被飛出《中年好聲音3》評判工作。《聲夢傳奇》出身的冼靖峰今日（6日）到電視城出席《歡樂滿東華2024》綵排時，對於伍sir被飛出《中3》，他表示因為忙着排練《東華》而不知情。

冼靖峰曾遇洪心怡但冇傾偈

冼靖峰又指伍sir當年任《聲夢》評判後一直沒聯絡，最近上其網上頻道是因伍Sir為自己新歌《勇氣》編曲，提到早前他與鍾柔美相約伍Sir食生日飯，但對方遲到兩小時，冼靖峰則謂沒所謂，因朋友也經常遲到，問到伍Sir是否有介紹洪心怡給他認識？他說：「港姐騷見過，但冇特別講嘢。」

冼靖峰唔知道伍仲衡被「炒魷」。

冼靖峰表示最近上其網上頻道，因對方為自己新歌《勇氣》編曲。

冼靖峰指新歌搵伍sir編曲，公司都批准。

冼靖峰指今次會與家燕姐跳舞。

冼靖峰表示亦有自己嘅Solo舞蹈，所以很大壓力。

冼靖峰與家燕姐一齊綵排。

冼靖峰近日上伍仲衡網上頻道唱歌。

搵伍仲衡編曲獲公司批准

問到之後會否避嫌不再上伍Sir的頻道？冼靖峰說：「我睇吓囉，因為首歌係佢幫我編曲，我對伍Sir認知佢係一個音樂人、監製同編曲人，上佢嘅Live可以宣傳首歌，（怕唔怕公司嬲？）首歌搵佢編曲都係公司批准，（慰問伍Sir？）搞掂《東華》先，我未練好舞，萬大事搞掂東華先再算。」冼唔靖峰表示今次除了與薛家燕跳舞之外，更會有自己Solo的舞蹈，因此他感覺很大壓力，幸好排舞老師對他很好，為他度身而設舞蹈。