《臨時決鬥》年廿九放映 第一支宣傳片周秀娜包到實難掩誘惑身形 古天樂梁詠琪蛇年打鑊甘

《臨時決鬥》首條宣傳片曝光，總動員拳拳到肉帶出勵志故事。2025農曆新年賀歲電影鉅獻《臨時決鬥》，演員陣容強大︰包括古天樂、梁詠琪（Gigi）、王丹妮、周秀娜、胡子彤、張文傑、陳湛文、楊詩敏（蝦頭）、伍允龍、喬靖夫、王尹菁、王頌茵、陳獻略、陳慧敏、陳楨怡及吳梓熙等，並由千萬導演麥啟光執導，是一齣集勵志、動作、搞笑的賀歲片。

年廿九上畫 2025蛇年打鑊甘

《臨時決鬥》將於農曆新年重拳出擊，長約1分鐘的宣傳片正於戲院播放，定檔年廿九（1月28日）同觀眾拜年。宣傳片開始，古天樂說：「一日鐘聲未響！一日都唔會認輸！」王丹妮走到古天樂面前表示：「我要學打拳！」為故事揭開序幕。見古天樂眼仔碌碌，勸女方不要衝動：「上擂台打拳唔係講玩，會死人。」血流披面的王丹妮則回應：「打泰拳死人，都唔夠炒車死得人多，係咪以後都唔搭車？」扮演古天樂太太的梁詠琪忍笑忍得好辛苦。周秀娜近年十分「錫身」，預告片中，穿上運動裝跑步練習，亦難掩誘惑身形。

周秀娜身材玲瓏。

胡子彤染金毛，都好似漆黑中嘅螢火蟲一樣，咁鮮明，咁出眾。

古天樂一身造型好夏天，「鍾磊舍拳館」貫徹有教無類作風。

陳湛文、王丹妮會產生怎樣的火花？

王丹妮有大量動作場面，我指擂台上。

《臨時決鬥》是一齣集勵志、動作、搞笑的賀歲片。

胡子彤一身肌肉，跟拳手埋身肉搏。

梁詠琪運動look練習。

王丹妮眼神殺死人。

張文傑至憎黑社會。

《臨時決鬥》預告片，仲見到胡子彤跟梁詠琪、王丹妮對打訓練。又見胡子彤一身肌肉跟拳手埋身肉搏，打至拳骨爆裂。隨後見到運動look的梁詠琪練習，飾演她女兒的王尹菁興奮雀躍彈跳，為媽咪打氣。另一邊箱，張文傑問古天樂：「有幾多人去拳館係真心打拳？個個都係為咗減肥、溝仔，同埋減肥溝仔！」隨後更向古天樂「挑機」隻揪，後者戴上拳套，穿上拳褲、背心，勁騷健碩身型，手瓜起腱，然後問老婆「我份保險有冇斷供？」十分爆笑。