【黃庭桄專欄】重遇

在街頭偶遇已經分手多年的前度，是一件尷尬的事。

一頭風中亂髮，吃完飯忘了塗口紅，手裏拿着一袋在超市購買的糧油，是典型的師奶打扮。天啊！怎麼能讓他見到自己的「烏歪」樣。

你慌忙低下頭，但願自己變成一個隱形人，急急腳準備跟他擦身而過，心中念念有詞：「你睇我唔到！」

然而，畢竟兩個人曾走過一段不長不短的情路，他又怎會未見過你的素顏，甚至是丫烏模樣呢！

「喂！好耐冇見喎！」他熱情地截停你，那份笑容，熱情如一日。你惟有尷尬地停步，低聲一句：「乜咁啱嘅？」

你恨自己這天沒有好好裝扮才出街，便用指尖撥開遮住半邊面的髮絲，邊擠出靦腆的微笑。

「你冇乜點變喎！不過係殘咗啲！肥咗啲！大熊貓啫！哈哈！」他還是一貫的口沒遮攔，愛開玩笑。

你氣得想搥他胸膛，但拳在半空中收回了，畢竟情已逝，不能再像從前般親密，有肌膚接觸。

他問候你近況，結婚未？有小朋友未？會移民嗎？有轉工嗎？最重要的，他還是一臉誠懇問你：「生活得開心嗎？」

不少思憶，一浪又一浪的翻滾起來，若不是當初的一時衝動，意氣用事；如果不是還未懂得珍惜，今天的故事可能已經不一樣。

重遇前度，心裏掀起一場交戰。既想自己比以前明亮照人，讓他覺得走寶。也暗地懷恨，希望他在沒有你之後，活得更落魄。戀人再見後不會能成為朋友，可以揀的話，無謂再遇，向前望吧！