有片｜土瓜灣女童楔車罅衝出馬路險捱私家車撞 司機驚魂未定：真係嚇死

土瓜灣馬頭角道今日（28日）發生上演驚險一幕。讀者J先生下午5時許駕駛私家車由土瓜灣道轉入馬道頭角道，駛至煤氣公司對開巴士站時，一名年約7至8歲、穿校服揹書包的女童，突然由兩部巴士之間車罅跑出，直衝向私家車車頭。J先生緊急扭軚閃避，慶幸鄰線無車，亦無撞及女童，女童迅即退後，楔巴士車罅離開。

當時巴士站有3部巴士，私家車沿外線行駛，當駛過第一部巴士時，女童突然跑出馬路，「當時見到佢衝出嚟嚇死，即刻扭開，好驚撞到佢，我個人定咗落嚟之後，落車睇下佢已經唔見佢，唔似有家長陪住，巴士司機話我知佢無事，無撞到佢，我先開車走」。J先生指馬路如虎口，希望提醒該名小妹妹過馬路要睇清楚路況，而家長亦要多教小朋友安全意識，「唔好亂過馬路，唔係次次咁好彩！」

私家車由土瓜灣道轉入馬道頭角道，當時有3部巴士在巴士站。讀者提供片段

一名女童由2部巴士之間車罅跑出。讀者提供片段

事主緊急扭軚閃避，險撞女童。讀者提供片段

女童迅即退後，楔巴士車罅離開。讀者提供片段

女童迅即退後，楔巴士車罅離開。讀者提供片段