「光頭仔」王嘉明跟顏米羔浸溫泉鬥大 率先策動輕鬆啲旅行團丨獨家

《中年2》男團「輕鬆啲」HZD成員王嘉明，是經典電影《最佳拍檔》系列麥嘉的「光頭仔」，轉眼間42歲的他除唱返歌外，還擴建事業版圖，最近他兩次帶團到珠海，分別安排Fans團員食主打和牛的omakase及大閘蟹宴，因為反應熱烈，明年初再下一城帶團到新會吃喝玩樂，不排除將來衝出大灣區。 採訪：方騫平

王嘉明、顏米羔兩位Zone D之前去了新會浸溫泉。

蟹宴有特式美食。

王嘉明策動珠海美食團找來顏米羔做特別嘉賓。

當日嘉明親力親為去街市挑選肥美大閘蟹。

FANS熱烈支持。

兩ZoneD玩得好開心。

王嘉明頭炮發起喺珠海搞和牛omakase，當如fans聚會。

FANS團友表示滿意。

一直在內地做生意的王嘉明，於珠海住了10多年，也好想帶多些朋友來感受、體驗一下當地的轉變，所以萌起帶Fans暢遊大灣區念頭。最初王嘉明發起搞和牛omakase當如fans聚會，點知欲罷不能，隨即趁大閘蟹季再搞蟹宴：「嗰次有20幾位fans參與，連顏米羔都話要跟隊做特別嘉賓，單係拆蟹肉都拆咗有200隻，好多菜式出面都食唔到，食到個個舐舐脷。」

時令爆膏大閘蟹。

金黃蟹粉。

墨魚汁麵上鋪滿蟹黃加金鉑。

黃酒話梅豬手，幫大家補充晒所有蛋白質。

拆蟹肉都拆咗200隻，花足幾小時。

蟹宴後嘉明和顏米羔再落新會浸溫泉及買著名陳皮，對於兩男肉帛相見，嘉明大笑說：「我唔尷尬喎，我叫『王巨』；佢只係叫『顏大』鬥下大！我驚打親佢啫。」他又指在「輕鬆啲22分鐘生活日常」直播中，有成千人在網上睇過顏米羔出浴：「佢都習慣咗有咁多人睇啦，唔爭在兩Zone D肉帛相見，不過我哋都有著褲嘅。」

王嘉明、顏米羔到新會吃喝玩樂。

兩人好合拍。

王嘉明、顏米羔最愛食陳皮。

王嘉明、顏米羔係最佳拍檔。

不悙地食。

輕鬆啲有無限可能

另外，王嘉明已得到新會旅遊局領導支持，再籌備明年初搞個100人的新會溫泉旅行團，浸完溫泉就在晚宴上一齊唱歌：「其實當日成立男團輕鬆啲除咗唱歌外，係有無限可能，帶團都係我哋目標之一，但夾齊8人真係有啲難度，我鍾意食同玩，肯定係飲飲食食、以組團方向為主出發，成員夾到檔期歡迎隨隊一齊玩。」

Zone D於顏米羔、劉威煌、梁浩賢和甘永傑《FUNtas4ic》演唱會中一齊唱《我們》。

8 人男團輕鬆啲(HZD)冇無限發展可能。

輕鬆啲(HZD)曾搞歌迷聚會。

拉姑常請ZoneD食飯。

王嘉明上月慶祝42歲生日。

王嘉明在經典電影《最佳拍檔》系列中演麥嘉的兒子「光頭仔」。