星8卦丨“痴情”媾女上瘾阿妈出招拣 识做新抱一家和睦
“痴情”确实太过多情，想媾边件靓女都冇难度，连佢𠮶位思想开放嘅妈妈，都顶唔顺开声话应该要停落嚟，揾返个正经人家啦！问题系“痴情”对每一个都系认真嘅，除咗𠮶次钟意错“飞女”畀人笑到面黄。
相关阅读：星8卦丨“媳妇仔”卖惨其实最阴湿 细佬冇陪饭被KO懵然不知
“飞女”平时唔出声，亦系姊妹群中最女仔，最讨喜，但佢自细就唔钟意男仔，全世界都知，系“痴情”完全唔知情。“痴情”又衰嘅，恃住自己红就疯狂力追，唔识出去收下风对方系乜料，讲真你咁红“飞女”梗系唔会得罪你，仲借啲意利用佢嘅知名度帮自己再上一层楼。
经过呢次打击之后，“痴情”都冇话收敛下，反而换画换得更多更密。总之高瘦留长发嘅都系佢力追嘅对象，又唔知点解喺夜店识到“大眼”，两个人一挞即着，最劲系“大眼”同开放阿妈好啱倾，冧到阿妈当佢系女咁亲近，于是“痴情”乐于有人照顾长辈，自己继续喺出面鬼混。
最后令“痴情”停落嚟系因为阿妈出招，逼佢同“大眼”结婚，仲出到经济封锁嚟吓“痴情”乖乖娶老婆，结果阿妈娶到心抱又凑到孙。“痴情”近年表面真系好生性，不过久唔久 会出去揾啲无知名度嘅妹妹仔开心下，“大眼”志在泊到好码头，仲帮手做埋戏，明白聪明女人要只眼开只眼闭，识路返屋企咪得囉！
其他文章：
星8卦丨“组织”出街食饭成日揾着数俾人唱 单独各自各又变正常人
星8卦丨“姣精”害“直男”形象全毁 正牌炮友“咸湿”偷笑甩身
---------------------------------------------
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
点击以下6大平台 接收加拿大新闻及生活资讯
×