專欄│前線對決 瑞典鬥斯洛伐克「大」得起

歐國聯C1組別，瑞典周日凌晨主場迎戰斯洛伐克。

主隊瑞典小組4戰3勝1和得10分，以得失球差壓過斯洛伐克，暫列小組榜首。近排瑞典嘅攻力十足，前線有歐洲最炙手火熱嘅士砵亭前鋒基奧基尼斯，表現亮眼，受各大豪門青睞，上輪歐聯賽事面對曼城大演帽子戲法，爆冷助球隊以4:1贏藍月，全取3分。加上紐卡素射手阿歷山大伊沙克近期狀態回復，有望助瑞典取得更多士哥。

客隊斯洛伐克與瑞典同分，雙方上場交手和波而回。今夏歐國盃，斯洛伐克嘅防守表現不錯，一度守和英格蘭，可惜加時輸波出局，今場後防仍然有巴黎聖日耳門嘅史堅尼亞及飛燕諾嘅漢高，前場亦有近排國家隊腳風幾順嘅大衛史達歷，近3場入3球，其中兩球就係對住瑞典入，加上中場大腦盧保卡為前線製造供應。今場關鍵一戰，料雙方絕不留手，入球大細2.5球大盤放心捧。佩芝