【黃庭桄專欄】堅持下去

上星期日的下午，我到紅磡鶴園街的工廠區，購買一些素食乾貨，途經一間地舖藥房，見到門口售賣特價紙巾，二十八元有五盒，唔使講價，馬上幫襯。

工廠區水盡鵝飛，途人都唔多個，我八卦問藥房老闆，怎麼咁勤力，星期日都照開舖？其實所有辦公室都放假，這裏又不近黃埔花園，人流稀少，何不考慮休息？

「現在經濟市道差，反而要更加勤力。」老闆邊找錢給我，便送上金句互勉：「大家都要堅持下去啊 ！」

此時此刻，我感動得幾乎紅了眼。在逆境中奮力前行，從來都不是易事。今時今日邁步，可能需要付出比平日多兩倍的血汗，但若想放棄認輸，兩秒就可以了。

那個藥房老闆，苦守住生意，租金、燈油火蠟、夥計人工、勞工保險、強積金、訂貨資金等等，統統都是錢，到底一天裏要賣出多少貨，才能夠打和不用蝕本？

生意難撈，急景殘年，有人會找不到靈魂，失去了前進的動力。也有人掙扎求存，像大自然素食集團，全港所有分店都推出堂食全日半價優惠，而位於佐敦的素食老店普光齋，在11月份惠顧所有正價食品，全日一樣半價，可見扭盡六壬苦撐着。

那邊廂，周潤發和劉青雲都幫襯過的灣仔名人扒房，卻在上周日黯然結業，楊老闆表示，自前年開始，每個月蝕逾十萬元：「有時成晚只有一個客，前景只睇到一片灰暗。」

我走在人影都唔多隻的紅磡工廠區，拿着五盒紙巾，到底紙巾應該用來抹乾苦撐的一殼眼淚，抑或堅持拼下去的汗水？