【黃庭桄專欄】阿梅等緊你

很怕跟一些負能量的人交往，口里從來不會生出蓮花，只會花時間去怨天怨地，詛咒這人臭罵那人。在他/她眼里，彷彿全世界的人與事都看不順眼。

同枱一餐飯，可以見識到何謂毒舌。

「個侍應蠢到死，叫佢加茶，拎咗個茶壺去，成十分鐘都未拎返嚟，有冇帶腦返工㗎……你睇，佢拎杯奶茶，隻手指浸咗落去㗎，點飲呀……咁都可以落漏單，咁鬼鈍，真係抵佢成世都只係做侍應，冇得升職……」

做客人，真的是大晒嗎？真的是高人一等，視侍應如奴僕般呼喝差使嗎？做人何必口出惡言，屢犯口業呢？

某些人總愛在別人名字前面，冠以「死人」兩個字，例如「嗰個死人賓妹……正一死肥婆……我真係唔想同死人Betty食晏呀！」如此咒人死，莫非有殺你全家的血海深仇？事實往往又未必，只是出於嫉妒或怨恨的心。

不過有時候，見到一些不長進的男人，像梅艷芳兄長梅啟明，一生扭六壬去謀屋企人的財產，自己卻不務正業又唔生性，亦不見得孝順，我也難免激動，寧犯口業，都會照罵這種人「唔死都冇用」、「何必獻世」、「早死早着啦」！

梅啟明宣布將會迎娶泰籍女友，並公開尋找梅媽，他可能一向發誓當食生菜，竟然對天發誓的手勢都舉錯變成「OK」，認真眼冤。「我沒有一件事對不起阿梅同阿媽！」他誓神劈願說，連上天都費事理他，沒有用行雷閃電去劈他，也許無謂蹝電吧！這種賤人不肖子，讓他自生自滅。

我知道，做人要收下把口，積下口德，但見到梅啟明，只想他快些跟阿梅團聚。