【康子專欄】先生存，活下來

捱得過，固然好，正是「守得雲開，沉冤得雪」。

可是，捱不過，點算？有朋友在異地哀號：「山窮水盡，家破人亡！」悲情。

真的有可能，萬勿延遲，建議即時上飛機返香港。畢竟在這里土生土長，同聲同氣，即使更艱難，好在人面熟，總有辦法。

要是連機票也買不起，可向當地的中國領事館/香港辦事處求助，賒借代支不拘，先平安回來，徐圖後計。

最怕流落在外。曾經有朋友「北漂」，老實說，即使衰到瞓街，千萬別瞓英國/美國/加拿大等地，冬天凍死人。

冷到病，手尾長；路面冰封，走路仆落街也不好。有關加國過冬攻略，建議參考本版同文「高慧然專欄」。

更有高人，年逾五十，不知為何，仍有嚴重的「天真病」：赤腳移民，拖着一家大細，在當地投親靠友，輪流住別人溫暖的家。

豈不聞西諺有云：「客人像魚，三日後發臭」（Guests like fish, begin to smell after three days），出自美國開國元勳，富蘭克林（1706 年至1790年）尊口。

香港人更乾脆，一早落閘：「留食不留宿。」有人不信，硬要測試親友底線；受辱後，又埋怨「人情冷暖，世態炎涼」之類，終於自絕所有門路。

更可怕，是帶同子女一起感受，製造童年恐怖回憶。積極點看：大人身教，小朋友千祈咪學。不幸遇上以上情況，又問點算？

都係嗰句：「報警求助。」去到最盡，根據國際法，任何人在外國，可向當地政府，要求遣返出生地（POB：Place Of Birth）。不論如何，先活下來，回香港再說，移民得閒才再試。