譚耀文重返錄音室錄歌好緊張 完成後唔捨得離開 疫情期間學結他增值自己

譚耀文（亞譚）近年一直主力拍攝電影，但歌手出身的亞譚其實對音樂的熱愛也從不減退。更在疫情期間把握時間自我增值去學結他和打鼓，亞譚笑言：「由細到大都喜歡音樂，8-9歲聽到Dennie 姐嘅《倦》或者小鳯姐嘅《無奈》我已經識喊，就知道我係比較感性，成日會係收音機旁邊聽歐西流行曲倒數榜，然後錄低佢慢慢聽。之後就算演戲，每次我都會聽唔同音樂去幫助我尋找唔同嘅角色神緒。其實自己最好嘅朋友就係音樂，而我一直都咁愛佢，從一而终。

譚耀文近日為新歌錄音。

亞譚回想早前錄音情況，他表示好緊張，但又好熟悉好溫暖。

他更表示在疫情期間把握時間去學結他和打鼓，實行自我增值！

亞譚指聽到要求好高嘅監製一句 good take 之後，即刻成個人散晒！

錄完歌後，阿譚表示唔捨得離開錄音房，笑稱被監製趕自己出去。

亞譚的新歌作為其主演電影《拼命三郎》的主題曲。

亞譚在機緣巧合之下收到一首歌曲Demo，令他萌生岀對此歌曲的創作概念，當曲詞誕生後，一致認為由亞譚親自演譯是最合適人選，該歌曲更作為其主演電影《拼命三郎》的主題曲。亞譚回想早前錄音情況說：「好耐冇入過錄音室正式灌錄屬於自己的歌曲，所以嗰日行入錄音室之前感覺自己好似新人，有啲緊張，结果一開始warm up 嗰feel 就返晒嚟，腦海好多以前嘅畫面浮現，就彷似一個人去咗旅行好耐，终於返到屋企打開門，一入去所有嘢都好熟悉好溫暖，加上歌詞又好代表到我自己，而之前用咗好多時間去思考，再同監製與作詞人溝通，所以錄音進度總算理想，當聽到要求好高嘅監製一句 good take 之後，我即刻成個人散晒，但係又唔捨得離開錄音房，结果要被監製趕我出去。」