專欄│紅魔表現持續低迷　維拉「主勝」博得過

英超第7輪，近況不俗的阿士東維拉主場迎戰曼聯。

主隊阿士東維拉，今季雙線作賽，聯賽6戰4勝1和1負，暫列第5。上場聯賽雖然被葉士域治逼和2:2，但周中歐聯面對德甲班霸拜仁慕尼黑，憑藉門將達米安馬天尼斯嘅撲救，加上後備入替嘅祖漢杜蘭入球，為球隊奠定勝局，全取3分。球隊前線攻擊點，奧尼屈堅斯、摩根羅渣士、杜蘭等狀態火熱，今場至少坐和望贏。
曼聯不穩難睇好

客隊曼聯又再一次令各位球迷失望，喺周四晚嘅歐霸賽事中，作客波圖，喺領先兩球之下，被對手狂轟3粒反超前。球賽尾段隊長般奴費南迪斯更兩黃一紅被逐。幸好中堅哈利馬古尼以頭槌扳平比分，保住和局。但紅魔鬼嘅不穩定性，確實令大多數球迷都唔睇好，相信今場亦不例外。佩芝