專欄│米蘭打吡 國米鐵桶困紅黑軍

意甲米蘭打吡大戰在即，國際米蘭主場迎戰AC米蘭。

衛冕冠軍國際米蘭暫時以兩勝兩和，排喺聯賽榜第3位。球隊喺周中歐聯惡鬥英超傳統勁旅曼城，呢一場前季歐聯決賽翻版，最終雙方互交白卷。國米大打防反足球，全場製造13次射門；同樣能夠防住曼城嘅22次射門，使其未能轉化成入球；中堅法蘭斯高阿沙比令艾寧夏蘭特踢得相當吃力，可惜前場嘅馬古斯杜林把握力有欠準繩，未能為球隊打開紀錄。

阿沙比防守力強

客隊AC米蘭聯賽只嘗一勝，暫列第10位，新教練方辛卡執教成績一般，周中歐聯主場面對利物浦負1:3，令球迷大失所望。早前更傳出隊中主力，費奧靴南迪斯，以及拉菲爾里奧與教練不和，或多或少會影響軍心，相信今場亦難逃一劫。佩芝