專欄│Fantasy Premier League攞分攻略

大熱足球經理人遊戲Fantasy Premier League近呢幾年多咗好多人玩，我早兩三年都好投入呢隻Game，不過上年唔記得執陣直接棄咗Game，今年特登自己搞咗個League，希望重拾返呢隻game嘅樂趣。

我諗呢隻Game好玩嘅地方，就係每一周鬥智鬥力爭取更高嘅分數。一定係挑選陣中多射門欲嘅球員，例如曼聯中場般奴費蘭迪斯就係最好嘅例子，因為佢係曼聯嘅核心，甚至好似尋晚對富咸咁佢打埋「假9」，絕對係好大機會攞到高分，射波助攻球球都關佢事。

咁高爾彭馬唔好咩？車路士實在太多不穩定因素，佢未必係絕對核心，再加上睇一睇個賽程，嚟緊要對曼城、水晶宮及韋斯咸，你都唔知會唔會有進帳。

仲有最後一招人有我有，有時你未必有靈感邊個球員會攞到好高分嘅話可以參考吓人哋嘅陣容，例如有50%嘅人有艾寧夏蘭特，咁就一定擸咗先，尤其是佢大爆發嘅時候，如果你冇佢分分鐘會好蝕。

所以記住三樣嘢，多射門欲、賽程、人有我有，基本上喺呢隻game都如魚得水，如果想季尾贏到波衫，記住可以Join我個League，League Code:ts5ltb。Willhappy