巴黎奧運•港隊賽程｜香港乒乓球女團 16強對瑞典 李靜：勁揪啲

嚟到第10日賽事，香港隊依然有兩個項目，最矚目當然係乒乓球女子團體16強，港隊上屆東京奧運得到銅牌，無疑會被寄予厚望。

今次港隊成員包括杜凱琹、李皓晴、朱成竹同後備吳詠琳，加埋「金句王」總教練李靜，周二凌晨2時會出戰16強，對手係瑞典，大家一於唔瞓住，隔空為港女乒隊打氣。

香港乒乓球女團成員，杜凱琹（左起）、吳詠琳、朱成竹、李皓晴，

 

因為「賽馬論」，李靜喺網上爆紅，「金句王」賽前咁話：「每場都係生死戰，冇後退之路，所以佢哋要盡快入局，一定要有極強求勝慾望。」

靜哥希望女團能加一把勁，要「勁揪一啲」，為大家送上最精彩表現，佢強調:「唔係教練要求球員做乜，而係球員主動要做乜，需要佢哋發自內心追求，先至有最大推動力，被迫做絕對唔理想。」

 

8月5日（周一）港隊賽程

20:40 ILCA7 帆船賽第9至10場 貝俊龍 /

26:00 乒乓球女團16強 港女乒隊 /

(賽程以大會最後公布為準)

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。