巴黎奧運•港隊賽程｜何詩蓓Day8游接力初賽 真正奧運告別戰？

香港隊今日進入第8日賽事，水陸兩路共3組人馬出場。仲有得睇何詩蓓，亦可能係佢人生最後1場奧運賽事添！

今日下午6時5 2分起，會進行女子4x100混合泳接力初賽，何詩蓓已決定參加，負責蛙泳。其他成員，「淳淳」歐鎧淳游背泳、簡綽桐蝶泳、譚凱琳自由泳。

已經26歲，何詩蓓4年後會唔會再參加奧運，實在係一大疑問。佢今屆專心游完個人100同200米自由式，得到兩面銅牌後，決定玩埋接力，會唔會係想同隊友齊心痛快游1場，以此告別奧運呢？

整體實力所限，香港隊初賽後難以晉級，但我哋今日都應該睇直播，欣賞呢場好可能係何詩蓓嘅奧運告別戰，繼續支持泳后。

今屆田徑，香港隊只有1位代表，刁俊稀下午5時參加男子100米跑預賽。另外，劉允祐出戰單車男子公路賽，呢位後生仔外型唔錯，成個單車王子咁嘅款。杭州亞運意外得到公路個人計時賽銅牌，希望佢可以盡全力，爭取自己最佳成績。

劉允祐

刁俊稀

8月3日（周六）賽程

17:55起 田徑男子100米跑預賽 刁俊稀 /

17:00 單車男子公路賽 劉允祐 /

18:52起 女子4x100米混合泳接力初賽 接力隊 /

18:15 ILCA7 帆船賽第5至6場 貝俊龍 /

(賽程以大會最後公布為準)