【黃庭桄專欄】無辜嚇餐死

生命何價？普天之下，到底有幾多個黃綠醫生，一心只想著如何罔顧醫德去賺錢，卻置病人的安危如草芥？

好友Q有一個來自順德的姨姨，幫手照顧初生BB，也負責起居飲食，包辦一日三餐，相當稱職。

誰知姨姨有一天忽然告訴Q，說自己要辭職安心養病。Q問明因由，得知姨姨因為久咳，偶爾有心口痛，走到政府健康院睇門診，並照了肺部X光。

到了覆診日，醫生說肺片顯示有一處出現白影，加上姨姨有心口痛，所以斷定她可能是肺癆，不過更大機會是肺癌，令她恍如晴天霹靂，心情跌入谷底。

視姨姨如親人的Q非常緊張，馬上安排她入住養和醫院作詳細檢查，以了解是否真的確診肺癌，所有費用由Q負責。

等待報告期間，姨姨如打翻五味架，百般滋味。終於等到養和的醫生拿著X光片和各種報告，帶笑安撫姨姨：「你完全冇事喎！可能你之前照X光，有些微郁動，才會出現白影，又或者係一些結節疤痕，絕對不是肺癆或者肺癌囉！」

放下心頭大石之餘，不禁感歎，不知道一年之中，會有幾多個病人，無辜被庸醫嚇死？

Q更告訴我一些秘密，她認識不少醫生，有理冇理都會叫病人「通波仔」，只因可以收取高昂手術費用。

有時候，病人心臟的三條血管，只是其中一條塞了七成，明明可以靠藥物和運動作出改善，庸醫卻靠嚇：「你如果唔理，可能會有生命危險，我馬上安排明天同你通波仔啦！」試問這些錢，怎能袋得安樂？