巴黎奧運｜大皇宮最高體驗 睇住劍神衞冕 招牌伸脷點少得

Wow ! 再次現場直擊香港運動員奪金，而且係同一個場地！

繼江旻憓之後，喺巴黎大皇宮內改建嘅劍擊場，又可以全程緊貼張家朗贏男子花劍金牌，成就香港體育界史上最輝煌之夜。

如果可以有分身術，可以做埋何詩蓓攞女子200米自由泳銅牌就好了。

大皇宮古典華麗，家朗由長長樓梯行落賽場時，1米93身高令佢特別顯眼。準決賽已係驚險過關，金牌戰唔止決一劍，仲要連打3劍先至分出高下，現場目睹更心驚肉跳，絕對經典之一戰。

第二次奪金，家朗少咗激動，更多一份從容，真正劍神風範。