巴黎奧運丨李麗珊做HOY TV評述見證香港第3金：唔介意做「吉祥物」 戰友第一時間跟江旻憓對話獲讚夠專業

HOY TV宣布旗下3條電視頻道76台HOY國際財經台、77台HOY TV以及78台HOY 資訊台全力轉播奧運精彩賽事，並由多位現役及退役香港體壇名將「風之后」李麗珊、「亞洲車神」黃金寶、「牛下女車神」李慧詩、上屆乒乓女團銅牌得主蘇慧音等擔任奧運賽事專業評述，強勁陣容。香港重劍運動員江旻憓(Vivian)於香港時間今日凌晨勇奪劍擊女子重劍個人金牌，HOY TV亦第一時間和Vivian連線，跟主持兼香港奧運第一金李麗珊、劍擊運動員戰友張小倫及朱嘉望對話。

曾係奧運金牌得主嘅珊珊，用媽媽角度出發睇江旻憓。

珊珊唔介意變成「吉祥物」。

劍擊運動員戰友張小倫及朱嘉望跟江旻憓連線對話。

HOY TV奧運主持贏口碑。

江旻憓勇奪金牌後，HOY TV第一時間和Vivian連線，跟主持人對話。

主持人李德能(中)搞笑話：「有珊珊就有金牌！」

(左起 )蘇慧音、「風之后」李麗珊、「牛下女車神」李慧詩為HOY TV的奧運節目擔任評述。

星級主持人張小倫越洋訪問江旻憓。

李德能輕鬆主持大局獲讚。

隨後李麗珊（珊珊）分享對Vivian奪金的感受時說：「因為我𠵱家做咗人哋父母，所以睇嘅嘢唔同咗，我記得Vivian曾經3次拒絕媽咪，令媽咪失望嘅，首先係佢細個時，媽咪想佢學芭蕾舞，但係佢拒絕咗，因為佢想學劍擊；第2次係當佢畢業嘅時候，媽咪話想去搵一份正常嘅工作，但係佢話佢想做全職運動員；第3次就係佢17年同19年斷咗十字韌帶，媽咪覺得好心痛，勸佢退役，但Vivian唔肯，希望繼續喺劍擊途上闖， 呢份堅持實在值得我哋去表揚，當然亦都要表揚吓Vivian嘅媽咪，因為其實佢好心痛囡囡，但仍然放手畀佢繼續去堅持夢想，以父母角度嚟講真係好難得!」她更叮囑Vivian 之後一定要抱吓媽咪，錫錫媽咪！

講得到位。

評論有料到。

李麗珊淡定作風被選係體壇大家姐。

一路走來的珊珊對香港第3金嘅感受，感動了觀眾。

節目中李麗珊講返睇見香港奪第3金時心情，李德能笑她：「有珊珊就有金牌！」珊珊唔介意變成「吉祥物」，還說：「自己就唔迷信，不過會透過一啲習慣去幫自己建立信心！」

江旻憓奪金後開心落淚。

江旻憓成為女子重劍世一唔容易。

HOY TV當天緊貼轉播重要一刻。

江旻憓為港爭光。

另外，經過兩日嘅奧運直播，各大平台及網民亦力讚HOY TV無論直播廠或者所有評述及星級主持都非常專業！當中珊珊的評述及言論，網民留言：「好專業，廠又靚，隔離d台無得比」、「珊珊非常專業，功課做足晒又大體，連佢最初做主持時最弱嗰範搞氣氛，𠵱家都拿捏得好好，莊重幽默並重。」

珊珊被封為「風之后」。

李麗珊在1996年阿特蘭大奧運會滑浪風帆項目，奪得香港隊歷史上首面奧運會獎牌，仲係金牌得主。

2021年張家朗在東京奧運取得男子鈍劍個人賽金牌。