謝君豪開大師班傳授影帝級演技 Hillary靠10堂課分析舞台劇角色 ANSONBEAN要戒行路小動作

影帝謝君豪從影多年獲獎無數，演技毋庸置疑，最近更特意抽空開辦大師班授徒，指導一眾新演員演技，參與演員包括劉沛蘅（Hillary ）、陳毅燊（ANSONBEAN）、陳紫萱（Summer）、林熙彤（Hazel）等。日前10堂的演技課圓滿結束，見證學生們的蛻變，謝君豪亦非常自豪，「佢哋每個人都有唔同嘅成長，呢樣嘢令我感覺打咗支強心針，即係自己教導都有啲成果，好似少少成就解鎖！」

影帝謝君豪從影多年獲獎無數，他直言教書好開心！

日前10堂的演技課圓滿結束，見證學生們的蛻變，謝君豪亦非常自豪！

謝君豪與女學員合照，（左起）陳紫萱、黎紫琦、劉沛蘅、謝君豪、雅霖、林熙彤、范明熙、陳伊霖。

謝君豪已在香港浸會大學電影學院擔任客席講師，相隔多年再執教鞭，皆因他遇到一班非常好學的年輕演員。

謝君豪指有責任分享演技，因為理論上的東西，從書本中已經可以見到。

謝君豪更直言教書好開心，「首先第一樣嘢就係溫故知新，做演員好基本嘅嘢，自己教書嘅時候會諗返，然後提醒返自己，教學相長我覺得好有意思；第二樣嘢，就係睇到佢哋嘅成長，真係好開心同埋感動。」12位學員中，不少人都有幕前經驗，亦有部份是素人，年齡由19歲至40多歲，橫跨不同年齡層，謝君豪讚賞他們每位在最後一堂結業表演都有突破，「尤其係冇經驗嗰幾位，佢哋第一堂上堂，講嘢好細聲好冇自信，到而家最後一堂，我覺得睇住佢哋嘅自信慢慢上嚟，我覺得呢樣嘢比任何嘢都重要。」

完成10堂後，12名學員齊齊宴請謝君豪，他們異口同聲獲益良多！

謝君豪與男學員一起合照：（左起）陳毅燊、梅維瀚、鄧啟軒、謝君豪、管鋈、鄧沛楠、助教陳錦龍。

早於2016年，謝君豪已在香港浸會大學電影學院擔任客席講師，相隔多年再執教鞭，皆因他早前遇到一班非常好學的年輕演員，加上不少人主動叩門，謝君豪決定藉住最近兩個多月的空檔，開辦這個10堂大師班。而開班另一原因，是自覺有份傳承的責任：「之前有好多前輩教過我好多身體力行嘅經驗，我覺得我都應該有責任分享出嚟，因為理論上嘅嘢，其實係睇書可以睇到。我有同學員講，佢哋上堂主要係分享一啲我對呢個演出嘅睇法，你嘅老師對呢個演出有咩嘅獨特嘅體會同經驗，呢樣嘢先係最重要。」

完成10堂後，12名學員齊齊宴請謝君豪，能夠從影帝兼劇帝的身上學習，他們異口同聲獲益良多，Hillary ：「因為我嚟緊都要演舞台劇，今次呢10堂學嘅嘢，幫到我去分析嚟緊嘅角色。」ANSONBEAN：「我發現自己都有好多好多嘢要戒，尤其係我可能行路好多小動作，都令到自己甩唔到自己嘅角色，我要繼續去努力，做好佢。」