前兒童節目主持邱晴上圍巨變否認整容：成個人純天然 處女寫真撞樣「神之乳」AV女優講多謝丨獨家
有「嫩版李珊珊」之稱的24歲邱晴（Mandy），將推出處女寫真集《晴之初》，以男友帶好身材女友去溫泉做主題，全書128頁，唔係泳衣就係內衣。日前流出部份三點式寫真相，被網民指好有AV封面feel，更指她撞樣巨乳AV女優安齋拉拉，她不介意之餘更認為是另類支持，但就提醒網民，「千祈唔好亂key我個樣！哈哈！」另外，被指上圍超澎拜跟2017年選美時差太遠，Mandy就強調全身純天然。採訪：杜杜
Mandy參選2017年港姐，僅差1票無緣入5強，不過奪得當屆獨有的《big big channel落選香港小姐競選》冠軍，之後加入TVB至2021年離巢，當中主持兒童節目《Think Big天地》及《Big Big小明星》最受巴打歡迎。問到身為前兒童節目主持人，拍寫真集會否有包袱？豁出去的Mandy完全唔驚，「想試吓唔同類型嘅工作，本寫真集我參與度好高，由揀衫到拍攝題材至眼神呈現，最主要以健康青春出發，唔會有太大顧慮。」
求網民咪亂Key樣
寫真集日前流出三點式眼鏡娘造型，被巴打讚賞有AV封面feel，晚間自用一流，Mandy完全唔介意，「其實預咗有人會咁講，當初傾呢個造型都覺得幾似，係我接受程度嘅範圍，同埋都有啲玩味成份，覺得幾好。」提到連登仔讚她越大越正，跟有「神之乳」稱號的AV女優安齋拉拉撞樣，她答得搞笑：「首先多謝網民讚賞，得到佢哋關注同留言，呢個係另類嘅支持，但都希望網民們高抬貴手，千祈唔好亂key我個樣呀！唔該！哈哈！」
Mandy被指身材勁過當年選美，她認為只是泳衣款式和拍攝角度問題，好滿意目前身材的她覺得線條仲有進步空間，「近期好鍾意做運動，唔會刻意減肥或節食，怕會唔開心同有壓力，又會冇營養，食多啲嘢，做多啲運動，身材一定會OK。」對於被質疑隆胸，她就強烈否認，「真係冇去整，成個人都係純天然。」Mandy最羡慕Johnny Depp前妻Amber Heard的身材，「佢真係超索，身材比例超級完美，有前有後。」
最怕悶男咪搞我
寫真集sell「超GFable女友溫泉旅行初體驗」，拍拖經驗一隻手數得晒的Mandy，形容自己是個百變型的女朋友，「有時好似人妻咁，煮吓嘢食畀另一半，或者幫佢做吓家頭細務，另一方面又會耍吓廢，好似個BB咁歎喺梳化，有杯雪糕都想另一半餵我食，擘大口啲雪糕就會放入去，撒吓嬌囉！」拒透露感情狀況的她唔擔心影寫真集會激嬲另一半（如果有），「入面啲相咁靚，咁青春咁可愛，做男朋友嘅就一定要支持啦！一定唔會介意，如果會介意都應該唔會做我男朋友！」
對於揀男朋友要求，Mandy認為心地好會優先考慮，「同理心比較低嘅人一定唔會揀，我鍾意啲有愛心嘅人，其次個人好悶都一定唔會揀，我鍾意玩，好開心，咩都鍾意試，如果個男仔好悶，打機都冇特別反應，悶到咁點同佢相處呀？！我要同funny嘅人傾偈，咁先相處到。」至於男仔的加分舉動，夠細心就最冧，「會記低我喜怒哀樂，鍾意或者唔鍾意嘅嘢，大家都咁忙，一個人有心去記住你嘅嘢都幾sweet，同埋唔係做一、兩次𠱁我開心，會一直咁做，呢個男人好有心！」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
