周家怡爆周國賢著孖煙囪要打底:驚我博懵吖 《無人之境》首演夫妻拍親熱戲驚覺性別對調丨獨家

周國賢(Endy)和周家怡最近在ViuTV原創劇《無人之境》首度合作演夫妻,最初有擔心,但因兩人有太多相似位,好快就打破隔膜。雖然好啱嘴形,但家怡驚覺他們似性別對調,更踢爆拍錫錫戲時,著住孖煙囪的Endy竟要再加打底褲,令家怡搞笑大呻:「係咪驚我博你懵吖?!」。採訪杜 攝影:譚志光 髮型:Vincent Yeung(家怡)Eve Chiu(Endy) 化妝:Herman Ng(家怡)Winki Tsang(Endy) 服裝: i.t(家怡)

同樣44歲的Endy和家怡雖然好夾,但難有發展,「我哋都好麻煩。」
同樣44歲的Endy和家怡雖然好夾,但難有發展,「我哋都好麻煩。」

 

Endy公道講家怡夠豪邁,令拍親密戲更快進入狀態。
Endy公道講家怡夠豪邁,令拍親密戲更快進入狀態。

 

Endy公道講家怡夠豪邁,令拍親密戲更快進入狀態。
Endy公道講家怡夠豪邁,令拍親密戲更快進入狀態。

 

Endy和家怡拍劇前並不認識,Endy形容「完全是兩個平衡時空」,最初有點擔心,家怡笑着追問他:「擔心我蝦你呀?」Endy否認:「我哋飾演呢對夫妻密度好高,感情要鑽到好深,擔心夠唔夠時間同對手咁短時間入到戲呢?!」但好快已令Endy放心,「第1次見面我幾緊張,但即日見佢比較豪邁少少嘅一面,有少少熱情,就放下心頭大石。」家怡笑言:「最初我啲nice係掩飾我緊張。」

劇中兩人演一對結婚10多年的平凡夫妻。
劇中兩人演一對結婚10多年的平凡夫妻。

 

問到兩人親密戲尺度?家怡笑言:「有床上的戲。」
問到兩人親密戲尺度?家怡笑言:「有床上的戲。」

 

Endy和家怡為劇集首度合唱主題曲《模稜兩可》。
Endy和家怡為劇集首度合唱主題曲《模稜兩可》。

 

夾到誦經方式一樣

兩人同在1979年出生屬羊,卻夾晒口供扮細個,Endy笑謂:「你03年,我91年嘛!」家怡說:「03年又太誇,啲人鬧呀!九運嘛!91OK!」問到點睇對方為人?Endy未開口家怡已話:「唔好讚呀!」Endy扮唔理,「佢演技好外,亦好可愛、嬌俏,03年出世嘅人都係咁。」聽到讚美聲家怡笑指:「嘩!夠啦!飄起啦!」家怡發覺他們有太多相似地方,「佢無端端拎啲鼠尾草喺度燻。」Endy說:「我哋放飯,佢又拎罐辣椒醬出嚟!」家怡感到最神奇是連誦經習慣一樣,「唔係誦咁簡單(Endy:我哋係Rap!)真係好少有,我搵唔到呢行有人一樣咁癲,《地藏經》係十三品就咁讀都要個半鐘,但我哋可以背。」

家怡篤信佛教多年,平日有誦經習慣。
家怡篤信佛教多年,平日有誦經習慣。

 

2022年Endy宣佈跟韓籍太太李美英離婚,回復單身。
2022年Endy宣佈跟韓籍太太李美英離婚,回復單身。

 

家怡認同Endy啱嘴形,但性別卻對調,「佢係女嚟,我係仔嚟,佢好鬼麻煩!」家怡踢爆拍咀嘴戲時,Endy竟要着打底褲,「男人老狗,着孖煙囪點解要着打底褲呀!?」Endy解釋是舞台劇常用免露出個咪的「收咪褲」,家怡不理繼續講,「成日話係收咪褲,着咗落去明明條所謂收咪褲長過條孖煙囪,點會得㗎?!」Endy笑着再拆,「肉色,我有攝高㗎!」家怡越諗越不滿,「諗返轉頭,真係懷疑你係咪驚我博你懵吖?!搞到我好似好鹹濕咁!」Endy解釋,「我哋企喺梳化上面油牆,梳化會激情過喺床,仲要着住孖煙囪錫錫。」家怡投訴,「所以你就打底,攝個嘢驚我摸你係咪?!豈有此理!」Endy唔識回應,但家怡檢討可能問題出於自己太主動,「拍呢啲戲知男仔會避忌,怕好易畀人話鹹豬手,我要令對手放心,一定要好勁咁,嚟啦!哈哈!唔知係咪我落多咗兩錢肉緊,佢以為我會鹹豬手呢!?」Endy笑着否認,「我鍾意溫柔啲,你好粗暴呀!」家怡笑說:「我下次試吓溫柔啲,over act少少,sorry!諗住令到你舒適啲。」

自認性格麻甩的家怡,嗜好有揸車。
自認性格麻甩的家怡,嗜好有揸車。

 

Endy開演唱會都試過露肉,唔算惜肉如金。
Endy開演唱會都試過露肉,唔算惜肉如金。

 

認同白對另一半

講完親密戲,家怡擔心觀眾理解錯戲種,故事其實講一般結婚10多年夫妻遇到的問題,跟訪問氣氛完全相反,感覺較沉重,而其中一場衝突戲令他們最難忘,「好誇,有10幾頁紙對白,我哋唔係舞台劇,劇集、電影未試過咁多頁紙,仲要得兩個人,拍足一晚好攰,心力交瘁,條氣好似開咗刀破咗咁,喊到對眼睜唔大。」Endy感激拍完這場戲後,單拖再拍自白場口時,家怡陪伴在則,「佢其實走得但係冇走,一路喺度陪我,我演緊時聽到佢都有情緒,淨係喺度索吓鼻已經好幫到。」

Endy和家怡這場嗌交戲,喊足成晚拍到心力交瘁。
Endy和家怡這場嗌交戲,喊足成晚拍到心力交瘁。

 

Endy和家怡這場嗌交戲,喊足成晚拍到心力交瘁。
Endy和家怡這場嗌交戲,喊足成晚拍到心力交瘁。

 

劇中Endy飾演的小男人,因八掛利用航拍機意外發現鄰居以及家怡飾演的老婆秘密。問到跟另一半相處,是否如角色收埋秘密?單身逾10年的家怡就笑謂,「嘩!long long time ago,等我諗吓先!如果我當初係咁就醒,我就係乜都講好蝕底,其實係搵咗錯的人,如果啱嘅人應該乜都可以講。」Endy認同,「細個時乜都唔講,或者有嘢想講又唔敢講,因為驚佢嬲,其實坦蕩蕩會好啲,但係有技巧。」家怡忍不住取笑他,「話驚佢嬲嗰吓,好似啲女仔。」Endy即扮嬌嗲,「咩啫!係唔講仲嬲嘛!對唔住囉,家怡姐!」原來家怡試過坦白未必從寬的傷心經歷,「我以前好低能嘛,話以前拍拖嚟過呢度,講完後依家呢個又記咗喺心,我講嗰句係冇咩意思,但佢聽完都會唔開心,其實我係咪唔係好ready?!唔關人哋事係自己問題。」

Endy笑言冇乜秘密,「除咗唔係好想畀人知我冇乜胳肋底毛。」
Endy笑言冇乜秘密,「除咗唔係好想畀人知我冇乜胳肋底毛。」

 

Endy笑言冇乜秘密,「除咗唔係好想畀人知我冇乜胳肋底毛。」
Endy笑言冇乜秘密,「除咗唔係好想畀人知我冇乜胳肋底毛。」

 

Endy笑言冇乜秘密,「除咗唔係好想畀人知我冇乜胳肋底毛。」
Endy笑言冇乜秘密,「除咗唔係好想畀人知我冇乜胳肋底毛。」

 

Endy笑言冇乜秘密,「除咗唔係好想畀人知我冇乜胳肋底毛。」
Endy笑言冇乜秘密,「除咗唔係好想畀人知我冇乜胳肋底毛。」

 

家怡直言未搵到對的人,識得欣賞她坦蕩蕩性格。
家怡直言未搵到對的人,識得欣賞她坦蕩蕩性格。

 

家怡直言未搵到對的人,識得欣賞她坦蕩蕩性格。
家怡直言未搵到對的人,識得欣賞她坦蕩蕩性格。

 

家怡直言未搵到對的人,識得欣賞她坦蕩蕩性格。
家怡直言未搵到對的人,識得欣賞她坦蕩蕩性格。

 

家怡直言未搵到對的人,識得欣賞她坦蕩蕩性格。
家怡直言未搵到對的人,識得欣賞她坦蕩蕩性格。

 

---------------------------------------------

>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。

>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。

>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php

>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca

>>>訂閱CCUE YouTube 頻道,查看更多吃喝玩樂、生活資訊影片。
點擊以下6大平台 接收加拿大新聞及生活資訊
share to wechat

延伸閱讀

延伸閱讀

60歲駱達華做外父?一個emoji回覆「女婿」現身 22歲學霸女顏值再度飆升

龍婷傳秘撻丘亞葵丨資深製作人丘亞葵向太太及龍婷致歉 為車廂激咀解畫:只係朋友式嘅Hello Kiss

郭可盈14歲女換新Look染金髮着露臍裝 一家三口遊英國幫父母影靚相打卡

43歲花旦黑西裝踢拖Look仍「靚到發光」 訂婚三年傳為衝擊視后兩度延婚期

都市網新聞