【星爷讲波 07】斗牛兵以快打慢谋连胜 卫冕意军以慢打快求反制

重点推介：B组 西班牙Vs意大利：加东时间周四(20日)下午3:00

明日3场比赛，星爷作为英国𧄌，一定到时到候担定櫈仔睇英格兰斗丹麦一战。但讲波，我会拣西班牙同意大利呢两支同样赢过欧国杯和世界杯嘅传统劲旅。

首先，讲讲两队喺首场分组赛嘅表现。西班牙首场3-0大胜克罗地亚，表现相当出色。队长莫拉达继续发挥佢嘅射手本色，先拔头筹，加埋法比安雷斯、卡华积嘅入波，西班牙嘅攻击力绝对强劲。相反，上届盟主意大利首场2-1反胜阿尔巴尼亚，入球功臣系巴列拿和巴斯东，但整体表现未算稳定，难听啲讲句就系无乜冠军相。

人脚方面，西班牙统帅迪拉富安迪点兵，大胆起用新兵，阵容整体年轻化，但又不乏老将压阵。前场有莫拉达、丹尼尔奥莫、费伦托利斯等，火力十足；中场“双迪”领军(柏迪、洛迪），后防则由拿朴迪一夫当关，可算攻守兼备。至于意大利方面，教练史巴列堤手下亦有不少好波之人，前场有老鬼基艾沙伙拍拉斯柏度尼攻坚，防线有迪罗伦素镇守，当拿隆马继续把守最后一关，整体而言系守攻于攻。

睇返两队嘅踢法，西班牙一向以控球为主，强调传接配合，讲究细腻嘅地面进攻。而意大利则比较平衡，既有稳健嘅防守，又能通过快速反击威胁对手。今场比赛，西班牙应该会延续佢哋嘅控球打法，而意大利则可能会采取更保守嘅策略，等待反击机会。

喺对赛往绩方面，两队最近一次喺大赛交手系2012年欧国杯决赛，当时西班牙4-0大胜意大利。而且，西班牙喺过去几年对阵意大利的比赛中成绩亦稍占上风。不过，意大利呢支卫冕冠军喺过去嘅比赛中都表现出强大嘅防守能力，要攻破佢哋防线都唔系容易。

两队都有3分在手，再赢一场基本上可以提早晋级，估计两队都会谨慎出招，战情可能到尾段至出现高潮，星爷认为和波机会不弱。

AI预测：

C组 斯洛文尼亚Vs 塞尔维亚 (上午9:00)

预测赛果：塞尔维亚胜

半场比分：斯洛文尼亚 0- 2 塞尔维亚

全场比分：斯洛文尼亚 1-x 塞尔维亚

总入球数：3球

C组 丹麦Vs 英格兰 (中午12:00)

预测赛果：英格兰胜

半场比分：丹麦 0-1 英格兰

全场比分：丹麦 0-2 英格兰

总入球数：2球

B组 西班牙Vs 意大利 (下午3:00)

预测赛果：西班牙胜

半场比分：西班牙 1-1 意大利

全场比分：西班牙 2-1 意大利

总入球数：3球

T100

【2024年欧国杯期间，加拿大《星岛网》每日都会有驻场“球评人星爷”为大家开坛讲波，仲揾埋AI帮手预测赛果，人机强强联手，肯定“近”到无伦！】