歐國盃│歐國盃點可以無女士們份 率先睇片了解女士睇波角度

歐洲國家盃是4年一度足球界的盛事，無論男或女都很期待明晚賽事的揭幕。近年的確係多左好多女球迷睇波，就連電視台亦出現了女主持負責講波的節目《絲打講英超》，今屆歐國盃點少得女士們的份。

歐洲國家盃是歐洲球壇最頂級的賽事，普羅的男球迷都會將注意力集中在球隊和各大球星的場上表現、技術發揮、以致統計數字等的專業範疇。而女球迷睇波的角度往往不同，就好似著名模特兒李蔓瑩話齋，球迷無分識唔識睇波，只有分鍾唔鍾意睇波，睇波最要重要係鍾意和睇得開心。又好似港超節目主持人陳海雯，享受睇波之餘又喜觀睇波衫和足球產品，今屆歐國盃有24支球隊的球衣可供球迷們選擇。

吉祥物演員，扮演港超球隊理文吉祥物的Summer Chiu，指出吉祥物可以擔當球隊第12人的角色，今屆歐國盃球迷們可留意各支勁旅的吉祥物。大家可以透過影片詳細了解一下李蔓瑩、陳海雯和Summer Chiu等女士們點樣去睇今屆歐國盃。

而Now TV將會全程直播今屆歐國盃全部51場比賽，其中5場賽事亦會安排在ViuTV 99台免費直播，包括明晚德國對蘇格蘭的揭幕戰，球迷當然不可錯過。

想睇更多女士們談歐國盃，立即點擊：https://youtube.com/playlist?list=PLDLZtS0atun_0QfYSABUTenQ9mZua4WcV&si=hZYUMiXXmc_t1l1q

------
緊貼最新最快新聞資訊，請立即下載星島頭條App： https://bit.ly/3Q29Vow

由即日起至6月20日，只要參加「市民對特區政府滿意度調查」問卷，即有機會贏取Panasonic護髮風筒、Casetify充電器、大家樂$50餐飲券等豐富禮品。即點擊https://bit.ly/4csd4qL