周啟生唔驚死點評細粒男偶像:走音走到九彩 力撐何伯畀啲錢買開心勿奉獻身家丨獨家

62歲的著名音樂人周啟生由13歲開始彈《黃河鋼琴協奏曲》,50年後終圓夢,下月8號自資於荃灣大會堂舉行《搖滾黃河直至世界終結時》音樂會。周啟生認為做人最緊要開心,力撐近期熱爆全城的76歲何伯,認為只要唔牽涉成副身家,何太又𠱁得佢開心,「咪當係畀少少錢做交易囉」。另外,對樂壇仍然有火的他,唔怕被Fans狙擊,再度點評新生代歌手,更大膽直言,「社會變到人人都食屎,我都唔食。」採訪:方騫平 攝影:鄧國良

周啟生唔怕惹怒當紅歌手,堅持實話實說放馬過來。
周啟生唔怕惹怒當紅歌手,堅持實話實說放馬過來。

 

周啟生仲好有衝勁。
周啟生仲好有衝勁。

 

周啟生對樂壇好有火。
周啟生對樂壇好有火。

 

周啟生會留意樂壇動態。
周啟生會留意樂壇動態。

 

周啟生強調唔係OUT咗嘅廢佬。
周啟生強調唔係OUT咗嘅廢佬。

 

周啟生坦言𠵱家傳媒一個獨大,咁樣會搞死樂壇。
周啟生坦言𠵱家傳媒一個獨大,咁樣會搞死樂壇。

 

對於音樂會,周啟生講起都興奮,屆時會有40人管弦樂團及40人合唱團,揼本製作預咗冇錢賺:「幾十歲人蝕少少都係笑嘅,人生有幾多個50年?都想做啲未做過嘅嘢衝擊吓自己。」音樂會故事背景源自二次大戰日本侵華,以《黃河協奏曲》4個樂章作骨幹,再加新的音樂及其作品,如陳百強《孤雁》、葉蒨文《流金歲月》等,原來兩首歌也有小故事:「《孤雁》係我作畀Danny仔嘅,講爸媽經歷二次大戰時,如同走失嘅孤雁由廣州逃難到港澳,最驚險試過伏喺蘆葦草堆扮死屍避過日本仔追殺,所以我好憎打仗。」

周啟生下月8號自資於荃灣大會堂舉行《搖滾黃河直至世界終結時》音樂會。
周啟生下月8號自資於荃灣大會堂舉行《搖滾黃河直至世界終結時》音樂會。

 

62歲周啟生開Show前努力操肌。
62歲周啟生開Show前努力操肌。

 

周啟生操弗自己,準備就緒。
周啟生操弗自己,準備就緒。

 

周啟生由13歲開始彈《黃河鋼琴協奏曲》
周啟生由13歲開始彈《黃河鋼琴協奏曲》

 

父親吉吉傳承藝術天份。
父親吉吉傳承藝術天份。

 

周啟生向來著重外表。
周啟生向來著重外表。

 

崇拜甄妮唱得又身材好

周啟生又爆28歲時創作的《流金歲月》曾被葉蒨文嫌棄:「公司高層黃劍濤同我講『大小姐嫌首歌渣,唔肯唱呀』我幽佢一默『都冇辦法㗎,咪搵二小姐囉』不過我點敢嬲佢呀?佢唱歌好聽,把聲咁靚,身高5呎6吋,身材咁好咁性感,英文又叻…」他急讚完即戴返頭盔:「唔好話我成日鬧人,你數吓呢個年代有邊個好似佢咁正呀?我都想有人叻過我哋,但暫時少見;唔係寸,你搵一個自稱彈琴叻嘅人,我收埋一隻手陪佢玩《黃河協奏曲》!玩到送層樓畀佢。」葉蒨文唔肯唱國語版,最後交到甄妮手上。對於伍仲衡爆甄妮「唔找數」,周啟生力撐「樂壇風紀」為人:「我17歲已跟佢走埠,出發前會畀足訂金,論江湖地位係咪適合批評前輩?正如我點敢批評許冠傑及羅文!我覺得要尊重前輩。我好崇拜甄妮,唱歌叻又有巨肺,年輕時腳幼腰細冇肚腩,應大得大應細得細…哈!𠵱家白骨陰陽劍就多,瘦到咁點吸引到我?」

周啟生作曲嘅《孤雁》由陳百強主唱。
周啟生作曲嘅《孤雁》由陳百強主唱。

 

年輕時的葉蒨文超索。
年輕時的葉蒨文超索。

 

沙麗係性感尤物。
沙麗係性感尤物。

 

後生甄妮唱得又好身材。
後生甄妮唱得又好身材。

 

甄妮最近不時在社交網論盡娛樂圈大小事。
甄妮最近不時在社交網論盡娛樂圈大小事。

 

伍仲衡曾喺網上直播節目中爆甄妮「唔找數」。
伍仲衡曾喺網上直播節目中爆甄妮「唔找數」。

 

周啟生撐甄妮。
周啟生撐甄妮。

 

周啟生年輕時跟阿Sam走埠巡演。
周啟生年輕時跟阿Sam走埠巡演。

 

周啟生好尊敬許冠傑。
周啟生好尊敬許冠傑。

 

曾跟阿Sam及已故Sam爸合照。
曾跟阿Sam及已故Sam爸合照。

 

年輕時周啟生和周慧敏都獲前輩照顧。
年輕時周啟生和周慧敏都獲前輩照顧。

 

曾被Fans狙擊拒絕收口

周啟生曾狠批當今樂壇偶像而被Fans狙擊,佢冇嚇親:「如果社會變到人人食屎,唔食就冇taste,我都係堅持,點食屎呀?雖然俾人話我out晒嘅老嘢,但唔能夠拎走我嘅嘢,《獅子山下》、《風的季節》由我編曲,邊個唔識呀?」自言被網民鬧到斗零都唔值,但他仍拒絕收口,笑20幾歲偶像個肚腩好似西瓜咁大,唱歌又走音,陳年老偶像個肚就好似孭住個雪櫃。他語重心長表示,「年輕偶像唔可以肥,對自己要有要求,否則人哋點值得愛你?不過都只係紙紮偶像,逆市下廣告收入大減,又狂被抽佣都所剩無幾,如泥菩薩落水即溶。」

周啟生讚姜濤身形fit返,面尖尖靚仔晒。
周啟生讚姜濤身形fit返,面尖尖靚仔晒。

 

周啟生指年輕偶像唔可以肥。
周啟生指年輕偶像唔可以肥。

 

阿倫有幸福肥。
阿倫有幸福肥。

 

讚Marf馮允謙唱歌有Feel

因為抱住「唔知人哋渣,點知自己好。」心態,周啟生乜歌都聽,「身材、樣貌、高度都唔達標嘅偶像錄音好正,但唱紅館現場走音走到九彩;又唔明點解商台會頒獎畀唔啱音女歌手。」不過,有彈都有讚:「Marf(COLLAR成員)唔係皮包骨,幾型幾靚,但唔了解佢唱功,佢嗰隊柴娃娃冇樣啱音;Jay(馮允謙)都幾正,斯文靚仔,唱歌有feel,可惜唔夠紅。」

周啟生讚馮允謙,但MC就唔係佢杯茶。
周啟生讚馮允謙,但MC就唔係佢杯茶。

 

MC張天賦今年初開過場《THIS IS MC》紅館演唱會。
MC張天賦今年初開過場《THIS IS MC》紅館演唱會。

 

陳蕾首踏紅館開騷,周啟生曾發文批評,「聽佢現場表演,真係嚇咗我一跳。」
陳蕾首踏紅館開騷,周啟生曾發文批評,「聽佢現場表演,真係嚇咗我一跳。」

 

陳蕾年頭獲得商台頒發「女歌手金獎」。
陳蕾年頭獲得商台頒發「女歌手金獎」。

 

陳蕾年頭獲得商台頒發「女歌手金獎」及「我最喜愛女歌手」等4個獎項。
陳蕾年頭獲得商台頒發「女歌手金獎」及「我最喜愛女歌手」等4個獎項。

 

周啟生兩公婆都鍾意Marf。
周啟生兩公婆都鍾意Marf。

 

周啟生指COLLAR柴娃娃。
周啟生指COLLAR柴娃娃。

 

周啟生兩公婆都鍾意Marf。
周啟生兩公婆都鍾意Marf。

 

周啟生和太太及寶貝女。
周啟生和太太及寶貝女。

 

周啟生認為做人最緊要開心,見到全民齊插何伯,他忍唔住幫口:「佢都幾十歲人,做乜都得啦,甚至可以同其他女人有任何關係,但唔好要啲仔女擔心佢嘅錢銀,唔好牽涉到成副身家,如果個女人𠱁得佢開心咪畀少少當交易囉,一夜夫妻千二蚊都ok呀,咁樣嘅話我支持何伯!但要畀100萬就貴咗啲喎,Jennifer Lawrence (珍妮花羅倫絲)100萬就ok。」周啟生更為何伯計數:「𠵱家何伯送咗30幾萬禮物畀新何太,扣除伙食費、湯料及補品,當每次花費500至1000元,76歲嘅何伯到百年歸老,都冇50至60次交易啦。」

直播時與老公咀嘴,咀到有「啜」一聲。
直播時與老公咀嘴,咀到有「啜」一聲。

 

何伯、新何太以真面目示人。
何伯、新何太以真面目示人。

 

連日來兩公婆周圍去。
連日來兩公婆周圍去。

 

新何太趁勢做直播搵錢。
新何太趁勢做直播搵錢。

 

全城狂插新何太。
全城狂插新何太。

 

周啟生支持何伯用少少錢買開心。
周啟生支持何伯用少少錢買開心。

 

《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF

想睇更多精彩內容,請立即瀏覽「區區有申訴」活動專頁,https://bit.ly/41hgS9E

緊貼最新最快新聞資訊,請立即下載星島頭條App:https://bit.ly/3Q29Vow

---------------------------------------------

>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。

>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。

>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php

>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca

>>>訂閱CCUE YouTube 頻道,查看更多吃喝玩樂、生活資訊影片。
點擊以下6大平台 接收加拿大新聞及生活資訊
share to wechat

延伸閱讀

延伸閱讀

反黑英雄丨張振朗跟兒時偶像玩神交 讚姚子羚靚女好戲係夢中女神

談判專家丨楊偉倫被指似劉俊謙有「信二」稱呼 顏卓靈為與劉青雲謝票特趕回港 贊成原班人馬拍喜劇催導演快開工

何太終認想將450萬元留給兒子?稱被何伯大女網上狙擊:那個衰樣她爸爸一看就知道

36歲網紅CEO「買精」誕雙胞胎B仔公開生產過程 7年前赴美人工受孕誕五國混血大女

都市網新聞