顏國樑逝世丨2022現身台慶自揭患鱗狀細胞癌 公院留醫好無助 年初昏迷有幻覺
曾於TVB經典處境劇《香港81》飾演「陳積」的顏國樑，上月與太太霍潔貞（貞姐）現身梁思浩的TVB節目，感激太太代續命。今日（26日）梁思浩卻公布顏國樑的死訊，顏國樑早前在2022年現身TVB台慶，自揭患上第三期鱗狀細胞癌導致聲帶失去低音，他年初接受好友鄧英敏的YouTube頻道訪問，原來顏國樑去年已曾在鬼門關徘徊！
相關文章：「陳積」顏國樑驚傳死訊！享年71歲 梁思浩貼合照：顏先生一路走好
「陳積」顏國樑離世前多次出入鬼門關：
顏國樑2022年自揭患上第三期鱗狀細胞癌後，一直積極對抗癌魔，他曾透露已三次踏入鬼門關，當中兩次幸得太太救回一命，一直專心養病的顏國樑1月接受好友鄧英敏的YouTube頻道訪問，鏡頭前談笑風生，昔日因為化療而導致變光頭，當時已長出一頭白髮，但臉色蒼白且憔悴不少。鄧英敏透露顏國樑在今年1月6日，已經入住院半個月，剛出院便接受訪問。
顏國樑年初呼吸困難
顏國樑當時擰擰頭說：「我喺鬼門關出入過幾次，嗰陣係唔覺，次次都係事後聽醫生講先知，有一次浸會留醫，醫生都話諗住我走唔返出去，後來又有幾次出現抖氣唔得，好辛苦。因為我裝咗個支架去協助呼吸，呢個手術唔做係有機會死，事後姑娘都話係好危險，只要3分鐘救你唔到，你就會死。」自此，顏國樑只要出現呼吸困難，便立即打999要求送院，想不到踏入2024年的頭半個月已經出事，顏國樑說：「嗰日係喉嚨有少少痕，細細力慢慢咳，忽然間就鎖住咗，如果冇吸氧氣就會窒息，好彩我隨身有支『吱吱』，再叫十字車，但係入到去就昏迷咗。原來我係昏迷咗幾日，如果我反應慢啲，冇咗喇！」
顏國樑演藝生涯：
鄧英敏形容顏國樑今次留醫了15日，經歷認真翻天覆地，顏國樑說：「頭幾日係全昏迷，我嘅氧份太多，令我產生咗幻覺，以前做戲睇劇本知道係幻覺，但發生咗係唔知，今次我淨係畀兩個大媽鬧，捉我又搣我，搞到我好辛苦，又鬧我好曳，成日走身郁，咁我咪郁手，好彩控制到，事後我太太話我知，可能係因為嗰啲儀器搞到我唔舒服。」顏國樑當時又指：「我而家除咗第一次嘅鱗狀細胞癌冇咗，但係喺另一個地方復發，仲有啲細細粒嘅走出嚟，跟住要做電療，點知中間又出現細菌，最少打7日抗生素，每日打3支，即係冇得瞓，出完院轉個頭覆完診又入院，醫生都話冇計，因為我抵抗力唔夠。」
顏國樑治病花逾70萬想復出
顏國樑之前接受化療及免疫治療，不過因藥力太強勁，令他容易疲倦且周身骨痛，影響睡眠質素，手腳容易麻痺。顏國樑又指保險不包免疫治療，亦都沒有資助，一針就要近4萬元，加上之前的私家醫院治療費、食療及康復後跟進的花費，保守估計已花逾70萬元，顏國樑直言有經濟壓力，因此希望盡快養好身體，再復出拍戲賺錢。雖然私家醫院費用昂貴，但顏國樑在公立醫院治療期間，曾多次遭基層護理人員不友善對待。顏國樑坦言公營醫院的病人好無助，只能靠醫生、護士及服務助理幫忙：「已經冇人幫，仲要俾人呼呼喝喝，係咪令到臨終病人都要帶住怨氣走呢？」
其他文章：
顏國樑傳逝世丨顏國樑上月曾現身節目稱身體OK 憶患癌昏迷險踏鬼門關獲太太做一事續命
顏國樑離世丨69歲宣布結婚娶前藝員太太 一個原因拍拖多年未有註冊
74歲顏國樑抗癌化療一度甩頭髮 北上被捕獲驚變白頭翁精神奕奕
顏國樑患鱗狀癌三期多次走出鬼門關 願做大體老師令生命更有意義
顏國樑去年受訪自爆長期飲酒致痾血尿幸沒患癌 自揭聲帶生瘤後網民湧舊片留言祝福
73歲顏國樑宣布將結婚 耗盡積蓄治癌取傷殘津貼感謝另一半照顧
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
由即日起至5月27日，參加《星島申訴王》「港人置業意向」問卷調查，即有機會贏走香港迪士尼樂園門票2張或SMARTECH智能煮食鍋！ https://bit.ly/3V7t3o7
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
