【黃庭桄專欄】抗病的秘訣

一切唯心做。你的心態如何，你得到的日子將必如何。很苦嗎？鬆一鬆肩，順其自然地、努力地好好活下去。很甜嗎？就開懷地、不貪戀地笑著過。

最近和好友阿玲聊天，話題忽然有深度起來，談起人生。「人得嗰幾十年命，如果愁眉苦臉地過，真係太儍豬了。其實好多病都係因為情緒而屈出來，一個人如果唔開心，就會容易百病叢生，命都短幾年㗎。」阿玲有感而發。

「點解突然間咁感觸？」我問，「你最近係咪有重病？」

「我啋過你啊！不過突然間想起我一個朋友，佢有一次去定期驗身，個醫生同佢講，報告驗出有肝癌，而且係末期啊！可能得返最多半年命。」

阿玲一臉正經說出一個生命的奇蹟。「朋友因為冇結婚，孤家寡人，於是把心一橫，拎晒所有錢去盡情咁玩，好好享受人生。」

這位不幸的男主角，豁出去，縱情聲色犬馬，從前死慳死抵一改作風，吃幾頭鮑魚，燕窩漱口，歎盡人間美食。咁大個人都未坐過頭等機艙，見人一世物一世，一於來過富豪級享受。

當月亮爬升後，他又夜夜笙歌，飲最貴的酒，追最靚的女仔，放浪形骸，盡情揮霍，有酒今朝醉，最緊要好玩。

如此這般，過了三個月的狂歡歲月，幾乎耗盡家財，他回到香港再驗身，醫生拿著報告，驚訝地告訴他：「先生，你的腫瘤竟然神奇地消失了，你到底做過甚麼醫學療程？」

其實那段日子，他再沒有想過自己的病情，只是日日夜夜去玩，每一天都充滿快樂，身心自在，幾乎是一生中最無憂無慮的歲月。

這件真人真事，堪稱是醫學界的奇蹟，可見有很多病患，其實不應該咁早死，而是自己嚇自己，監生被「嚇死」的。Be Happy吧！