港超聯｜傑志勢失落冠軍 會長伍健認季初引援有問題 擁躉收唔收貨？

傑志今屆好大機會失落港超聯冠軍，作為呢支班霸嘅球迷，當然非常失望，當中更有人將怨氣指向南韓外援金信煜，要求球會為引入他而道歉。

理文贏多場即可稱王，下場對手係深水埗，有絕大機會打破傑志對港超聯冠軍的壟斷。近日有「藍鳥」球迷在社交網絡群組發文，要求球會領導層為「錯誤判斷簽下金信煜，令傑志今季失敗」道歉。

傑志南韓外援金信煜

 

點解會將矛頭指向金信煜？事實上，呢位前南韓國腳由去年加盟傑志，簽約至2026年後，表現一直乏善足陳，今季只上陣過4次，更已超過4個月沒有比賽。

會長伍健早前已在社交媒體回應，表示責任喺自己身上，仲話「金信煜係我簽嘅，要唔要我同你道歉？」

今日菁英盃決賽記招上，伍健冇正面回應金信煜去留決定，表示雖然傑志數字上仍有奪標機會，但佢已經當輸咗，亦承認季初請外援時，因為「隔山買牛」，表現同預期的確有差別。

 

_____________________________

緊貼最新最快新聞資訊，請立即下載星島頭條App：https://bit.ly/3Q29Vow

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。