星8卦｜「扮嘢」結婚玩神秘得罪全世界 生女想復出被嫌棄

「扮嘢」呢期可以話得罪晒全世界，最唔明啲人點解明明係開心事，但總係要搞到神神秘秘，呢個地球無秘密㗎，到頭來被踢爆就係你咋！好似結婚，雖然嫁條「茂利」，錢唔夠自己多，怕俾人笑啩，但都唔使好似偷嘢咁，驚死俾人知，俾人登咗出嚟，發晒癲咁要捉內鬼，呢件事已經令身邊啲人好不滿。所以做咗人老婆之後大家當佢透明，唔知咁多嘅以為佢玩退隱。

呢排佢又有喜訊呀，喺高檔醫院生咗個女。入院嗰陣鬼咁緊張，住4日都要高度戒嚴，結果成間醫院當佢係普通人，亦唔係太多人認得佢係邊位，玩乜嘢謝絕親友探訪，醫院啲人直情笑佢以為自己巨星，擺咁大派頭真係諗太多嘞！

生完都有一段時間，「扮嘢」好似醒番咁，竟然不斷打電話畀以前合作嘅台前幕後 ，睇吓有無嘢可以做。問題係你之前玩得個Party太寸，乜人都唔騷。人與人之間係相向，佢之前對人已經好刻薄，仲諗住嫁埋唔同世界聯繫，你真係以為自己想點就點？Sorry呀，加埋市道咁差，大家都唔夠嘢做，邊個會揀個out咗冇人氣嘅藝人呢！佢今次真係可以好好休息！

 

相關文章：

星8卦｜「阿靚」被「紅人」抛棄 閃嫁「英雄」誤墮騙局做搖錢樹

星8卦｜「乖乖」大紅搵錢 「長輩」同經理人嘈分錢出糧自己使

星8卦｜「疊疊」嫁錯老公 搵到金主即離婚自救

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。