星8卦｜「阿靚」被「紅人」抛棄 閃嫁「英雄」誤墮騙局做搖錢樹

「阿靚」都算苦命女人，同「紅人」一齊嘅時候，大家係真愛，仲要係好愛嗰種，可惜「紅人」當阿媽係自己條命，偏偏阿媽唔知點解一直當「阿靚」係仇人，或者唔抵得阿仔對其他女人好啩！去親男友屋企，唔係睇面口就係開飯要坐埋一面食隔夜餸。愛情同生活你揀邊樣呀？「紅人」最終都聽阿媽話娶咗富家女做老婆，「阿靚」係見到記者問回應至知自己被分手。

「大家姐」見「阿靚」咁慘慘，即刻介紹「英雄」畀佢識，初時「英雄」無句真，話畀「阿靚」知自己喺大城市做生意，今次返香港係探親戚，好希望同佢發展吓，索性提出叫「阿靚」跟佢去嗰邊培養感情。「阿靚」都無晒理智唔諗咁多，難得有個男人對自己好，又可以離開傷心地，梗係第一時間應承，連事業都擺埋一邊。

過到去一個人都驚㗎，好彩「英雄」都對自己唔錯，所以兩個人半年就結埋婚。點知婚後男人現出真身，原來所謂嘅生意其實喺亞洲搵啲有錢人過去不務正業，「英雄」就係睇中「阿靚」嘅身份幫到自己搵客，生意額大增，但「阿靚」就覺得自己比以前淒涼一百倍，想話返香港又俾「英雄」收埋本護照，而家就等香港朋友出手救佢返嚟。

 

相關文章：

星8卦｜「乖乖」大紅搵錢 「長輩」同經理人嘈分錢出糧自己使

星8卦｜「疊疊」嫁錯老公 搵到金主即離婚自救

星8卦｜「笑笑」「樂樂」為爭仔出高價搞到反面 「俊俊」吊高賣怕得罪人

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

緊貼最新最快新聞資訊，請立即下載星島頭條App：https://bit.ly/3Q29Vow

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。