罗启豪惨被黑粉抺黑半年谷气狂呻 被老屈掠水揾Fans笨兼人身攻击丨独家
近日“姜神”Fans因接机霸位问题大打出手,搞到两位偶像好头痕,之前“镜仔”Edan (吕爵安)及Alton(王智德)的FC又因内讧被逼停运。原来罗启豪同样受到fans事件困扰,几位被逐的FC黑粉,因爱成恨,近半年在网上恶意狙击他,直指他及FC掠水,甚至作出人身攻击。一向少言的罗启豪都忍唔住狂呻,更奉劝黑粉远离佢:“唔开心嘅嘢唔好睇,无谓令自己更加唔高兴。”采访:方骞平 摄影:罗安强 场地:PMQ
《中年好声音》季军罗启豪趁住出道一周年,推出处男原创歌《相信相信》,更邀得伦永亮作曲、周耀辉填词,唱出参加歌唱比赛后成功克服社恐的心声,希望能鼓励同路人,只要相信就会梦境成真。
怕犯家规大学前禁粗口
回想当年社恐严重时期,罗启豪睇过心理医生及接受催眠治疗,但状况更差,行一步退两步,完全帮唔到手:“最记得8岁时妈妈叫我喺宴会上,对住几百位uncle、aunie唱歌,我匿喺枱底惊到想死,父母都冇我办法。”他相信性格内敛跟家庭因素有关:“父母喺我成长过程中特别注重礼仪,尤其餐桌上,屋企人讲嘢斯文有礼,亦唔识得嬲人及闹人,以前经常被朋友利用。由于讲粗口系犯家规,所以读大学后才敢讲粗口发泄情绪。”
黑粉斥FC掠水消费歌迷
正当“豪吧”(歌迷会)成立一周年,唔识得嬲人的罗启豪都俾黑粉激到有啲火,不吐不快:“有几位犯咗规俾Admin踼出会嘅‘豪壳’(fans)怪我冇出声,所以发脾气怒剪会服后,呢几个月keep住用10多个假帐户,喺网上群组疯狂出po抹黑我及Admin负责人,唱我哋掠水,指《相信相信40+1音乐会》$680门票太贵;又弹制作电子MV书送畀DJ做宣传系揾Fans笨,消费歌迷啲钱…就算呢年来FC营运得有声有色,仍被针对攻击,留言忠告‘中2生’唔好将FC搞成‘豪吧’咁。”罗启豪呻到停唔到,“仲会轰我经常将社恐话题挂喺口边,留言‘你唔闷我都闷啦!’又踩多一脚斥我唱歌得一个tone好闷,被形象相似嘅谭辉智挥低、甚至挖埋皮肤病嚟讲。”
望跟辉智组兄弟班切磋
启豪澄清其实“豪吧”从冇收会费,“豪壳”系可自由选择参与活动。不过,嬲嬲猪嘅启豪忍唔住为真歌迷发声:“我啲Fans好高质,佢哋从来唔会抨击战友,大家互相扶持,唔会比较。”他坦言见到恶意中伤会唔开心及心痛,只能提醒自己尽量做好本分,唔好受到影响,更有感而发:“因为呢类人,令到有啲FC都要停运,其实经营FC系唔容易嘅事,只要大家对Admin肯包容多啲,会好好多。”对于Fans争风呷醋,他无奈笑说:“可能呢个只系头盘,𠵱家仲要好好学习。不过,既然黑粉咁唔钟意我,奉劝佢哋揾钟意嘅歌手嚟支持,人生有咁多烦恼,唔开心嘅嘢唔好睇,无谓令到自己更加唔高兴。”谈及“中2生”出道,启豪坦言会分薄机会,唯有自制机会:“希望组成‘腼腆兄弟’,跟背景相似嘅谭辉智切磋吓,辉智好劲,适应力比我更快。”
《星岛申诉王》推出全新项目“我要赞佢”栏目,现诚邀市民投稿赞扬身边好人好事,共建更有爱社区。立即“我要赞佢”︰https://bit.ly/3uJ3yyF
想睇更多精彩内容,请立即浏览“区区有申诉”活动专页,https://bit.ly/41hgS9E
紧贴最新最快新闻资讯,请立即下载星岛头条App:https://bit.ly/3Q29Vow
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。