超意神探丨張家輝狂讚關詠荷幾時都咁靚 新片變「網大」引來熱議 自稱竭盡所能做演員工作

張家輝、周勵淇（Niki）、唐文龍昨晚（23日）出席電影《超意神探》首映禮，家輝戲中患有超憶症，問他現實中是否記性好？家輝表示工作方面幾好，問最多記到多少頁劇本？他憶起TVB拍古裝一、兩頁對白，並指TVB運作緊密日夜拍攝，有些場口三頁紙台詞，但睡覺時間也沒有，沒時間記惟有打天才波。他指生活事務容易沒記性，問家事交由太太關詠荷處理？他笑說不是，太太也會問他。談到太太出來拍廣告被讚凍齡，他大讚：「佢係正。（有否在太太面前讚她？）有，我話佢老有老靚，後生時又咁靚，年紀大又咁靚，之後老咗都係咁靚。在我眼前呈現佢將來老咗都係好靚嘅女人。（你有眼光？）都係佢好彩。（老婆靚你有否壓力？你也要keep得好？）你唔見我成日收埋佢喺屋企咩。我本身靚仔邊有壓力，我係混血兒，番禺溝廣州。」

張家輝、周勵淇、唐文龍昨晚（23日）出席電影《超意神探》首映禮。

 

張家輝、周勵淇

 

問Niki有傳有喜，她否認並說一個幾好，暫時沒打算再生。

 

她指湊着一個精力無限的囝囝已很辛苦。

 

囝囝升K2，Niki有較多時間出來工作或返內地。

 

唐文龍

 

張家輝、周勵淇

 

張家輝、周勵淇

 

另外，問Niki有傳有喜，她否認並說一個幾好，暫時沒打算再生，湊着一個精力無限的囝囝已很辛苦，囝囝升K2，她有較多時間出來工作或返內地，她說：「唔駛成日對住，我佢都辛苦，兩個都會炆憎，我情願返工！湊仔係最辛苦嘅工作。」

談到太太出來拍廣告被讚凍齡，家輝大讚：「佢係正。」

 

張家輝更讚老婆後生時又咁靚，年紀大又咁靚，之後老咗都係咁靚。

 

至於老婆靚有否壓力？家輝說：「我本身靚仔邊有壓力，我係混血兒，番禺溝廣州。」

 

《超意神探》首映禮

 

《超意神探》首映禮

 

張家輝

 

張家輝

 

此外，對於《超》片在內地變了「網大」有否失望， 家輝說：「演員崗位係做好演嘅事，唔係做電影決策，故事人物豐富，冇乜演員接呢個劇本唔想做，我都竭盡所能做演員工作，咩宣傳策略、咩地方或幾時上同我冇乜關係。（網民指你也竟然變網大？）係投資方決策，我冇刻意唔做網大，網大都係演戲，我唔能夠排除將來我會唔會唔演網大，視乎遇到心動角色或班底。」

 

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。