林奕匡剖白準老竇矛盾心情:香港讀書真係好辛苦 葉巧琳黃妍笑談有味減壓妙法丨獨家
林奕匡(Phil)、葉巧琳(Mischa)及黃妍(Cath)首合唱新歌《藝術與科學》,因為要在日本大型音樂平台「The First Take」(TFT)初次演繹派台版本,兩女好緊張更自爆錄音前要另類減壓。 另外,Phil開心分享準爸爸心情,強調拒做怪獸家長,唔會讓小朋友步自己後塵做書蟲,然後慘被兩女睇死,未來必定被仔女食住。採訪:杜杜 攝影:羅安強 形象:Sam Cheung@exactly.the.sam化妝:Carmen C(Phil&Cath) 髮型:Kenki@w.work.shop(Phil)、Milk Chan@XENTER(Mischa) 、Aki Choi(Cath) 服裝:ithk(Phil)、Harvey Nichols HK(Mischa&Cath)
Phil在「TFT 」演繹兩首歌,除《高山低谷》10周年版,還邀同門 Mischa及Cath一齊玩,將早已完成的歌改編成《藝術與科學》。因為「TFT 」演繹版本會派台,3人不容有失,加上得3星期準備相當大壓力,更透露上「TFT 」前兩日,已飛到日本準備。Mischa稱錄音前一晚,Phil練歌到半夜,「我喺酒店房會緊張,就出咗去食飯,零晨仲聽到Phil唱緊歌。」住隔籬房的Phil講完Sorry再解釋,因感冒未好怕影響水準,「有少少氣管敏感,嗰度得1、2度,一出門就會影響把聲,更加擔心。」
![3人講起上「TFT 」過程,依然好興奮。 3人講起上「TFT 」過程,依然好興奮。](https://image.hkhl.hk/f/1024p0/0x0/lr/sthl/8895e4caf958865ca17b5a9c3891e92e/2024-04/WhatsApp_Image_2024-03-20_at_11_05_04_PM_2_.jpeg)
![日前3人出席新歌《藝術與科學》首播會。 日前3人出席新歌《藝術與科學》首播會。](https://image.hkhl.hk/f/1024p0/0x0/lr/sthl/b133578c871bfa0f83880f7564ecc0e2/2024-04/WhatsApp_Image_2024-03-20_at_11_05_05_PM_1_.jpeg)
錄音前約埋廁所減壓
翌日Phil起身即跑步及開聲,「仲有少少鼻塞,個人好水腫,希望狀態好啲先去。」Phil和Cath要飽肚先錄到歌,去到現場即食飯,Mischa就只食了隻蛋。埋位前兩女先在廁所碰面,Cath自爆:「我平時唔會喺街上廁所,佢(Mischa)話『你放低啲嘢先啦』,最後忍唔到放低咗。」Mischa答得搞笑:「放低咗幾両黃金,哈哈!」兩女大談減壓妙法搞到Phil好尷尬,「喂呀!你哋真係吖!我都可能有,但唔會同人講呢啲嘢!」 Mischa認為好普通的事,「大家有做過舞台劇就會知,Good Show......s!」
![3人完成「TFT 」錄音後,還到了富士山拍MV。 3人完成「TFT 」錄音後,還到了富士山拍MV。](https://image.hkhl.hk/f/1024p0/0x0/lr/sthl/a8d71e67e8d24a1da1086b2d0031bb97/2024-04/03_2_19.jpg)
![Cath錄音後趁機放假,去了奈良美智博物館。 Cath錄音後趁機放假,去了奈良美智博物館。](https://image.hkhl.hk/f/1024p0/0x0/lr/sthl/9b266f7bda65f9e400fc1191283dfb1d/2024-04/02_16.jpg)
![Mischa為了保密行程,只post風景相。 Mischa為了保密行程,只post風景相。](https://image.hkhl.hk/f/1024p0/0x0/lr/sthl/4c61d0910dc33ff5524fd5cccf01aafa/2024-04/06_16.jpg)
聖誕快閃4日返加拿大
即將做爸爸的Phil好期待,但提到當日太太攞住驗孕棒報喜時,未敢太開心,「始終未穩定,要冷靜啲,先照顧太太身體,到照超聲波見到BB,同佢心跳,見到佢捽眼先至相信。」準爸爸得知喜訊,即計劃跟太太返加拿大跟家人過聖誕節,就算只得4日勁匆忙,「朋友都冇見過,但哥哥成家人都返咗去,10年冇試過一齊過聖誕,加埋喜事,所以好難得。」不過他當時未有向家人報喜,「我哋心裏知道,呢件係好難得嘅事,有個新成員,家庭大咗少少。」
![2月尾,Phil公佈太太李靄璣(Rikko)陀BB好消息。 2月尾,Phil公佈太太李靄璣(Rikko)陀BB好消息。](https://image.hkhl.hk/f/1024p0/0x0/lr/sthl/948d444315b654794357bcb8ba7c7ac9/2024-04/01_4_2.jpg)
![Phil已有10年沒有跟哥哥一齊歡度聖誕節。 Phil已有10年沒有跟哥哥一齊歡度聖誕節。](https://image.hkhl.hk/f/1024p0/0x0/lr/sthl/8edbe05c5374fa01470f15450ace80a9/2024-04/04_0_23.jpg)
![去年聖誕節,Phil和老婆Rikko返加拿大與家人慶祝。 去年聖誕節,Phil和老婆Rikko返加拿大與家人慶祝。](https://image.hkhl.hk/f/1024p0/0x0/lr/sthl/e94b03e1e38ed75812d2accecee61b74/2024-04/05_0_8.jpg)
唔認同會被仔女食住
準爸爸Phil已有不少轉變,首先搬屋以便外母回港湊孫,以及請工人,「有人話有咗搬唔好,但𠵱家搬總比之後搬容易,我辛苦啲搬多啲嘢,太太要瞓就瞓。」另外,聽到兩女之父陳柏宇提醒報學校注意事項時嚇親,但有信心不會變怪獸家長,「陳伯話邊間學校要報讀,係有啲恐怖,我喺加拿大讀書好隨便,10歲前冇乜正經過,都係玩之嘛!香港讀書真係好認真好辛苦,小朋友真係要由朝讀到晚,爹哋媽咪亦要讀埋一份,搵個平衡會好啲。」他以自己作例子,不想仔女步其後塵,「我細個係好勤力,好專心嘅書蟲,接觸咗音樂後,好多嘢唔係喺學校學到,去到某個歲數先知自己想做音樂,代表咗我咁多年嚟,未夠了解自己,需要啲乜嘢。」他認為教育是,要讓小朋友接觸更多新事物,「幸好我試過音樂,又以音樂做事業,希望我個BB有時間及空間去了解自己。」而Mischa和Cath就睇死Phil,一定畀仔女蝦,Mischa笑說:「一定食住你!」Phil唔認同,「唔會,知老婆太心軟,我要做衰人多啲。」Cath拒絕相信,「講住先,出咗嚟先嘞!」
![Phil的童年是書蟲,佢希望仔女唔好似佢。 Phil的童年是書蟲,佢希望仔女唔好似佢。](https://image.hkhl.hk/f/1024p0/0x0/lr/sthl/4398cf6897c7cf276fff4ec2a7bf1e98/2024-04/saxyphil_1649050583_2808762330940152965_3045200.jpg)
《星島申訴王》推出全新項目「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰https://bit.ly/3uJ3yyF
想睇更多精彩內容,請立即瀏覽「區區有申訴」活動專頁,https://bit.ly/41hgS9E
《星島頭條》新網站有更多精彩內容:http://www.stheadline.com/
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。