專欄｜歐洲德天下

今年可以話真係德甲年，拜仁、多蒙特晉身歐聯4強，利華歐霸4強，3場波都非常之有說服力。

先講利華古遜，今年保持強勢，戰術眾所皆知，次回合面對韋斯咸有一樣嘢真係估唔到，必定係沙比阿朗素夠膽30分鐘作出換人調動，後防哥蘇奴被換走，換入塔蘇巴，完全封死左安東尼奧，教練真係居功至偉，同時利華淡定嘅控球，完全唔驚韋斯咸嘅逼搶，不停左轉右右轉左，尾段憑住謝利美費林邦省中人入波，保持到不敗真係好高水平，就算球隊踢得差，依然可以憑着整體穩定性過關，展現到點解今年可以喺德甲稱王稱霸。

歐聯方面，多蒙特主場神奇晉級，撕破咗銅牆鐵壁嘅馬體會，要知道多蒙特喺主場面對呢場波都係有難度，其實整體上多蒙特戰術改變唔大，依然都係大開大合，不過好多球員都係超水準發揮，曉姆斯、祖利安白蘭特及富克洛個人水準都好高，係今季嘅代表作，馬體會其實有反超過，只係多蒙特憑着佢哋主場嘅韌力，加上球員咬緊牙關，可以絕地反勝，上演今年最精彩嘅歐聯賽事。

拜仁對住阿仙奴，憑着佢哋嘅底蘊贏波晉級，有好多球員喺今場波可以話係起死回生，甘美治及哥列斯卡踢出近兩年表現最精彩嘅賽事，甘美治最主要有個入波，同時佢好多傳中波都創造咗好多機會，決定快左，推進速度令到對手好麻煩；哥列斯卡整場掃蕩，專心防守，只要落咗指令畀佢，佢就會做得非常之好，兩個德國球員真係令我另眼相看。

今年，歐洲真係德甲天下，因為3支球隊展現咗唔同嘅角色性格，令到德甲攞到來屆歐聯第5席。Willhappy

-----

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。