方力申激愛女友葉萱甜讚6大優點 拍拖年半有心有力拒奉子成婚 丨獨家
方力申(Alex)於《逆天奇案2》中飾演的天才生物學教授，事事講科學理論，甚至覺得愛情都係假，不過真身就剛相反，Alex認真對待每段感情，對於女友葉萱（Maple）曾勇敢公開被韓國邪教教主性侵，兩人戀情一直不被睇好，不過拍拖年多的小方越嚟越愛女友更激讚對方：「佢對物質冇乜要求，樸素簡單好容易滿足。」更開心自爆父母都好鍾意女友，睇嚟好事近。採訪：方騫平 攝影：朱偉彥 化妝：Elaw Wong@ The Look Studio 髮型： Kin Tam@ ILCoplo
《逆天2》的小方，細細個就被父親帶到荒島做科研，內心好孤單，小方表示演繹方法，全靠代入感：「似小時候被爸爸安排喺美國練水一樣，辛苦到邊游邊喊。」
唔搵小方演出係你損失
小方拍《逆天2》有好大得著及感受：「疫情後開返工，劇中有大量專業術語，但總監製劉家豪作風係冇得改對白，而且佢對我有好大期望，我喺4、5個月拍攝期內做好功課，又要減肥配合書生人設。原來命運安排我打好個基礎，拍劇撻翻著副偈後，再跟張可堅拍住做2人舞台劇《相約星期二》能得心應手，攞返個自信。」小方坦言疫情令工作及收入大減曾懷疑人生，「自己係一個乜嘢演員呢？」及「有冇入錯行？」𠵱家有返自我肯定的價值：「通過努力，證明有付出係會做得到嘅，我係稱職演員，對得住份職業，唔搵我係你嘅損失！」
共同興趣睇畫行博物館
最近小方舉家遊日本賀母親70歲大壽，雖然唔願透露女友葉萱有否同行，但就自爆兩人有過甜蜜旅程：「之前我同佢曾秘密外遊，佢唔鍾意行百貨公司及名店，搞到我都冇買嘢，就算朋友代訂推介餐廳，佢都話唔好，『邊行邊食就算。』」小方對葉萱讚不停：「佢對物質冇乜要求，樸素簡單好容易滿足，呢個係我欣賞佢嘅地方，因為自己都係好簡單嘅人，我哋經常去茶餐廳飲奶茶。」因為葉萱的簡單令小方另眼相看：「喺呢行咁多年，冇認識一個咁嘅人，(係咪會加分？)係好啱我，因為我哋好夾，哈…尤其係佢唔使錢，我冇錢可以使，我哋嘅共同興趣係睇畫展及參觀博物館。」
因為葉萱的過去，令兩人戀情不被睇好，懷疑小方能否面對負面壓力？「喺呢行咁多年，已訓練到唔好受外來人影響咁多，睇自己重要啲。我成日覺得嗰啲人做唔到先會咁話你，譬如一個花心嘅人，一定唔相信會有人用情專一，因為佢曾經『派帽』，所以先會有咁嘅諗法。我反而要勉勵大家，聽到批判聲音時唔好咁介意，好似我咁樣諗會舒服啲。」
44歲有心有力父母催婚
另外，44歲的小方月前在《世界先進游泳錦標賽》分別奪得銀牌及銅牌，追問會否襯有心有力之年成家立室？他帶點尷尬笑說：「咁唔止得呢幾年(有心有力)，可以去到好長時間嘅，順其自然啦，我心中有plan，講出嚟就冇驚喜啦，但放心，我唔會奉子成婚，(咁安全㗎咩？)咁樣唔得㗎。」他承認父母讚葉萱係好女仔，都好Like佢，仲不時催婚：「我同細佬成日扯貓尾，耍太極。」他又投降說：「畀返啲神秘感我，我老嘞，抵受唔住壓力，放過我，畀我透吓氣。」
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
