逆天奇案2丨90年港姐梁小冰孖老公拍劇 結婚逾廿載爆陳嘉輝冧妻語錄
現年54歲、1990年港姐季軍梁小冰最近與老公陳嘉輝以夫妻檔演出TVB新劇《逆天奇案2》，今次是他們相隔23年再合作，而且更是第4度演一對，梁小冰還努力減肥，回復巔峰狀態，與初出道的舊照相比，絕對是凍齡有術！
相關閱讀：54歲梁小冰晒30年前舊照與現時零分別？偕多位女神去新加坡網民好唏噓
逆天奇案2丨梁小冰陳嘉輝演出感人：
梁小冰在戲中與陳嘉輝譜黃昏戀
梁小冰在戲中飾演歷盡不幸阿蘭，陳嘉輝飾演的徐仁達暗戀了梁小冰30多年，重遇後終於鼓起勇氣向梁小冰表白，本來梁小冰以為這段黃昏戀終可找到幸福，可惜陳嘉輝無辜捲入一單藏槍案，更遭受警方扣查。梁小冰唯有向曾愧對自己的「莫Sir」李國麟飾求助，雖然李國麟在公在私決定動用O記接手案件，可惜依然未能尋獲對陳嘉輝有利證據，梁小冰最終竟決定犧牲自己幫陳嘉輝頂罪。
梁小冰與陳家輝相隔23年再合作默契依舊
對於今次與講到與老公陳嘉輝再度合作，梁小冰笑言兩人默契依舊，還笑言全靠有老公做拍檔：「我哋會喺屋企對好晒啲對白，但唔會排戲，因為到現場先演會撞到個火花出嚟。我好多謝佢，佢係睇住你嘅情緒再去交對白，例如會睇住你啲眼淚流晒落嚟，佢先去下一Part（對白），冇一個拍檔係可以事隔咁多年個默契都仲可以喺度。」梁小冰又大讚老公專業：「佢好有紀律，唔止準時仲會早到，所有對白都記到滾瓜爛熟，同埋佢係一個好好先生，唔鍾意同人鬧交，同所有人都交流得好好。」梁小冰還稱與老公合作過的女演員都有讚冇彈：「好似鍾嘉欣、蘇玉華、陳瀅、反骨琪（蔣家旻）佢哋見到我，都會話你老公好正，真係一個好好嘅對手，我真係覺得好幸福。」
梁小冰陳嘉輝恩愛30年：
梁小冰與陳嘉輝鬧交靠一招收服老婆
陳嘉輝在劇中是一位癡心情長劍、對梁小冰呵護備至，現實中陳嘉輝同樣是絕世好男人加愛妻號，梁小冰大方地分享老公每日的「冧豬語錄」：「我老公好玩得，每日起身都會話：『你好靚喎』，結婚20幾年都係咁，講嘢好甜，就算我捲到個頭好似包租婆咁，佢都話：『點解可以咁靚』。」梁小冰坦言兩人亦有鬧交時，但陳嘉輝僅以一招便能成功收服老婆，梁小冰笑說：「我性格係一有問題就會blablabla講晒出嚟，佢就叫我慢慢講、唔好嬲，同埋叫我可以選擇用另一種方式（表達），例如喺最嬲時唔好講嘢，寫出嚟。以前我就寫晒喺張紙上，寫完幾千字都已經唔嬲啦，而家就轉用WhatsApp。」兩人結婚多年，梁小冰直言已經是無聲勝有聲：「而家唔使講嘢都知大家諗咩㗎喇，唔使咁多說話同溝通，呢個就係默契！」
其他文章：
逆天奇案2丨梁小冰陳嘉輝夫妻檔開工興奮一齊食飯盒 拍劇不用16歲兒子批准:成日叫我哋拍拖
----------------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
緊貼最新最快新聞資訊，請立即下載星島頭條App：https://bit.ly/3Q29Vow
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
