有片｜康城首都羅生門 保安被指粗暴干擾外賣員 涉事女住客現身反駁

網上今日（16日）流傳一則帖文及數段短片，稱一名外賣員往日出康城首都送餐，進入升降機時被女住客「阻擾正常工作」，驚動保安到場，而外賣員送餐的飲料更被「保安推跌個外賣」。片段廣傳惹起爭議，不少人紛紛抨擊住客無理取鬧及保安過份，更直言要「Send去外賣群組，以後個個唔送首都」。不過，有相信是片中女住客發佈另一角度片段佐證身份，又留言反駁指控，稱飲料是該名外賣員「自己激動得滯自己整跌落地」，並感謝保安員盡忠職守。

網上主要流傳的數段片段是由外賣員拍攝角度，片段並非連貫，地點疑為日出康城首都停車場升降機前，惟確實時間未明。帖文稱，外賣員前往首都送貨，都需要由停車場按鐘進入，座頭保安開門後，會安排外賣員搭升降機上6樓大堂登記。然而當日，一名首都女住客卻「唔明點解個住客要阻擾人哋正常工作」。

外賣員指控「呢個住客，呢個白癡問我入嚟搭𨋢登記咗未」。香港突發事故報料區及討論區FB

 

女住客試圖避開鏡頭。香港突發事故報料區及討論區FB

 

女住客避鏡頭不果後，上前拍打鏡頭，並大喊「你唔好喺度錄影」。香港突發事故報料區及討論區FB

 

女住客避鏡頭不果後，上前拍打鏡頭，並大喊「你唔好喺度錄影」。香港突發事故報料區及討論區FB

 

有一紙袋咖啡被打翻，外賣員指控其中一名保安「而家佢推跌曬我啲嘢」。香港突發事故報料區及討論區FB

 

有一紙袋咖啡被打翻，外賣員指控其中一名保安「而家佢推跌曬我啲嘢」。香港突發事故報料區及討論區FB

 

有一紙袋咖啡被打翻，外賣員指控其中一名保安「而家佢推跌曬我啲嘢」。香港突發事故報料區及討論區FB

 

數名保安到場處理事件。香港突發事故報料區及討論區FB

 

女住客亦舉機反拍，雙方爭持不下。香港突發事故報料區及討論區FB

 

女住客亦舉機反拍，雙方爭持不下。香港突發事故報料區及討論區FB

 

其中首段片段可見，當時外賣員指控「呢個住客，呢個白癡問我入嚟搭𨋢登記咗未，佢話叫我出返去」。女住客避開鏡頭不果後，上前拍打鏡頭，並大喊「你唔好喺度錄影」，外賣員隨即回應「你唔好搞我電話呀！你唔好郁手郁腳呀」。隨後片段可見，數名保安到場處理，亦有一紙袋咖啡被打翻地上。外賣員指控其中一名保安「而家佢推跌曬我啲嘢，唔該幫我報警」，而女住客亦舉起手機反拍，雙方爭持不下。

片段流傳後，不少人批評女住客及保安，直言「Send去外賣群組，以後個個唔送首都，叫啲住客以後自己落街買啦」、「佢認為自己係富貴有錢住客，叫佢去舖頭自己攞，日後不設外賣」、「啲保安態度真係差」、「入面已經成個迷宮，啲保安仲要覺得自己喺皇宮，做外賣真係冇陰公」。

有相信是片中女住客的網民，於FB群組「將軍澳 • 日出康城」留言反駁。

 

相信是片中女住客的網民，發佈另一角度片段佐證身份。

 

另一角度片段拍攝到涉事外賣員容貌。FB群組「將軍澳 • 日出康城」片段

 

外賣員與保安爭論。FB群組「將軍澳 • 日出康城」片段

 

外賣員與保安爭論。FB群組「將軍澳 • 日出康城」片段

 

不過，有相信是片中女住客的網民，於FB群組「將軍澳 • 日出康城」留言反駁，並發佈另一角度片段佐證身份。該名網民提供另一事件版本，稱「門口嘅Secure（保安）都嗌住呢位先生唔俾佢入去，淨係見到佢有人一開門就衝入嚟，門口個Secure叫都叫唔住，正常人見到都會先阻止啦」，認為私人地方有私人地方出入的規矩。

另外，這名網民又指「啲外賣係佢自己激動得滯自己整跌落地嘅，但係就老屈人。呢啲都係真相嘅一部份」，並稱該名外賣員「初頭係佢死唔肯走，唔肯離開部lift畀其他人用。跟住報警之後，無啦啦又話要走人」。她強調，「其實有CCTV片記錄全程，佢事後玩剪片其實真係唔洗驚」，最後亦感謝保安員盡忠職守。

--

《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

緊貼最新最快新聞資訊，請立即下載星島頭條App：https://bit.ly/3Q29Vow

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。