羽毛球｜伍家朗無緣第3度參戰奧運 高EQ回應haters ：學識處理抨擊

亞洲羽毛球錦標賽周日在寧波結束後，巴黎奧運各項目名額亦已篤定，港隊將得到男、女子單打、女子雙打及混合雙打共奪4張入場券。但排名26位的伍家朗將未能第三次出戰奧運，相當可惜。

伍家朗今日在Fb 發文訴心聲，對未能第3次參戰奧運表示無奈。他在感激家人、朋友及球迷的支持之時，亦回應一眾網路上的Haters：「多謝你哋同我訓練EQ，對我將來生活受用不盡。」

伍家朗在Fb上以此圖配文，回應支持者及haters。

 

伍家朗原文如下：

喺度正式宣布今個夏天將無緣參加我既第三次奧運會。喺成個爭取奧運資格既過程參加左好多比賽，當中遇到左好多困難，每一個困難我都想盡辦法去克服，但人生有時唔係你盡左力就一定會有相應既回報，大概哩個就係生活上既無奈。

 

好多謝沿途一路都好支持我既屋企人，朋友，球迷，你地一直追睇我比賽直播/比分既比率一定有超過95%，我每場比賽結束之後無論贏輸，一攞起部電話一定會收到你地既鼓勵信息，我視你地為我既真粉，不過最後結果未如理想令你地失望，非常之唔好意思

不過有真粉當然亦有啲”Haters”。比賽發揮得唔好嗰陣，一定會有啲人衝出嚟講啲好尖酸刻薄既說話，我都要好多謝你地同我訓練EQ，你地令我學習點樣處理抨擊，哩樣野唔只對我打波，對我將來既生活都受用不盡，非常感謝你地 

失落奧運資格並唔代表我既職業生涯從此就結束，打波從來唔只有奧運一個目標，我更加應該捉緊我剩餘嘅時間盡量砌靚我既職業生涯，所以我喺度要同我既真粉同haters講，唔洗擔心，未來依然係會喺球場上見到我嫁

 

伍家朗曾兩次出戰奧運，2016年在里約熱內盧打入16強，上屆東京則是小組賽止步。自馬來西亞教練黃達明提前解約後，伍家朗的成績開始下滑，加上受傷患困擾，更影場上表現，奧運排名位列26位，未能第3度參戰奥運。

港隊將由排名15的李卓耀出戰奧運男單，另外有女單盧善恩、混雙鄧俊文/謝影雪、女雙楊霈霖/楊雅婷。

 

--
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

緊貼最新最快新聞資訊，請立即下載星島頭條App：https://bit.ly/3Q29Vow

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。