羅力威相隔數年終於復出街頭表演 談「星光幫」古淖文奪冠：我知佢會贏
在2009年因參加第一屆《亞洲星光大道》奪得總冠軍的羅力威，雖然有一段日子在樂壇發展暢順，而且獲得不少fans的支持， 風頭一時無兩！不過近年羅力威突然沉靜了不少，突然間變成「住家男」，專心照顧一對仔女。昨日（9日）羅力威在IG限時動態宣布一個喜訊，他終於現身唱歌！
相關閱讀：雨僑情人節宣布幼子出世晒B仔萌照 眼仔勁長面珠有肉地激似爸爸
羅力威宣布終於現身唱歌！
羅力威街頭佈道Busking
羅力威昨日在IG限時動態貼了一張宣傳海報，他將於周五（12日）出席一個街頭佈道Busking，到時會以特別嘉賓身份與ETERNITY演出。羅力威以快問快答形式問大家：「到時你最想聽嘅係咩歌？我會按你哋今日嘅選擇決定（合掌瓜）」，結果有fans留言問：「到時會唔會唱番自己嘅歌or唱詩歌呢？」羅力威表示都會的。其後更有不少人留言稱希望可以聽到當年參賽的必殺歌的自創歌《尋找的是你》，亦有人說：「威威終於出來唱歌了！」、「參加中年好聲音3。」
對於今次久休復出，羅力威回覆《星島頭條》說：「我都好耐冇公開唱歌，估計有幾年時間，今次係因為ETERNITY係我個人好珍惜嘅團隊，將來會有詩歌同佢哋合作，嗰日大概演出20-30分鐘，我會唱歌迷想聽嘅歌 ，如果時間許可嘅話，希望大家可以點歌即興演繹！」
羅力威預告即將出新歌
問到今次會否是復出的第一步？羅力威說：「自己作為基督徒，只係單純因為福音緣故唱歌，但係我都知有好多歌迷一直喺度等待，我都好很期待同佢哋見吓面。」羅力威更透露將會有新歌和大家見面，再問在這段沉澱的日子，有否甚麼事情領悟？他說：「我從來都係有感而發，亦都冇離開過音樂。人越大越漸成熟後，對歌曲、歌詞同過往嘅要求會唔一樣，而家有更深嘅體會，亦希望新嘅作品會更加有意義。」
羅力威一家四口家庭相：
《亞洲星光大道》的「星光幫」成員古淖文在《中年好聲音2》成功奪冠，當年羅力威曾與古淖文齊齊參賽，未知今次古淖文得獎又會否令他有啟發？羅力威則說：「古淖文係好耐冇見嘅老朋友，嗰晚我都有睇決賽，當佢唱最後一首歌嘅時候，我就知佢會贏了！佢嘅狀態大勇，最後贏得冠軍當然戥佢高興，人生係需要有目標，能夠為目標而努力並獲得成果，當然開心 ，但追逐夢想嘅過程入面，不去計較結果，同樣美好。」
羅力威當年勁多Fans
當年羅力威出道後吸引了不少fans支持，氣勢強勁，所到之處必定有大批歌迷舉牌支持，他亦曾經說過：「佢哋一般都好照顧我，基本上你諗到嘅、買嘅、整嘅同食嘅都收過晒，所以好多嘢都有，其實係前世做咗啲好事，得到咁幸福嘅嘢。你問我有冇覺得飄飄然，反而覺得個人嘅脾氣同性格差咗，可能係平時生活上冇預到呢啲壓力，對人又或對同事，總有一日總有啲嘢會出錯。」羅力威亦試過入選「我最喜愛的男歌手」五強，被喻為樂壇最矚目的新星。
與雨橋夫妻檔搞生意
早前羅力威與英皇約滿後，一方面照顧女兒，另一方面與太太雨僑齊齊做網上生意兼網上頻道，實行夫婦檔拍住上，不過對羅力威而言，最大的改變是變得開朗兼變得好健談，他曾說：「可能人嘅階段唔同咗，開頭會覺得啲人係害我，細個唔懂事，覺得呢行咁複雜，唔知係咪個個衰人，其實呢行好多都係好人嚟，咁衰人周圍都有，唔單止呢行。而家正常做番一個人，以前唔算太正常！」他還說太太雨僑絕對功不可抹：「佢所有睇法同我講嘅說話、思維內涵，都係100分，咁我喺佢身上得到好正面嘅影響。」
其他文章：
中年好聲音2丨劉威煌8強止步！老婆家族猛料被封億萬駙馬 曾是「巨聲幫」暗寸過羅力威？
雨僑中秋宣佈再陀B晒全家福 女兒Harper學阿媽摸肚仔勁可愛
------------------------------
《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
