【阿浓专栏】“妈！”

真事一件。

电话响……

“喂。”

“阿妈，你要救我！”

“……乜嘢事？”

“我在差馆，你拿钱来担保。”

“你做咗啲乜嘢？”

“我赌钱输咗，被人追债，我怀疑佢出千，嘈起上来，打架收尾，上了警局。阿Sir话要告我行为不检，要1000文保释，等上庭。”

“衰仔我讲过多少次要你戒赌，你至今死性不改！”

“阿妈，你唔好咁烦，快啲拿1000文来西湾河差馆，我个朋友在门口等你，你交给他就可以。”

“我边有1000文，全屋只得几十文。”

“你去银行攞啦，顺路。”

“银行收工啦！”

“有提款机。”

“我唔记得密码。”

“你真是冇鬼用！去隔离借啦！”

“你话我冇用？你好有用咩！读书不成，份份工做唔长，几十岁人，一毫子未拿过返来，剩系识摊大手板。”

“阿妈，现在唔系教仔的时候，你唔想我在差馆过夜，就想下办法啦！我求下你囉！”

“我这世人不曾向人借过钱，而且同隔篱唔熟。你准备在差馆过夜啦，当买个教训！”

“阿妈你唔系咁忍心吗？我明日一早有份工要见，你唔想我失约嘛！”

“见工？见乜嘢工？你识做乜嘢？一个人最冇出息就是呃老人家！呃佢地冇知识，呃佢地锡仔女，这种人猪狗不如！你洗定八月十五，准备坐监啦。”

这位“阿妈”挂断了电话。她今年87岁，唯一的儿子已在10年前去世。

---------------------------------------------

>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。

>>>即读【新移民专栏】：新移民第一身经验，与你分享当下年轻移民生活日常大小事，即读“新移民专栏”。